等你 _ _ (Closed)

今日又黎到筲箕灣東大街試等你_ _。到底係等你_ _？其實都唔重要，重要係佢既食物得唔得到我歡心。門面都幾暗下，同其他食肆比較真係暗左一段，希望老闆整番幾支燈射下。內裡都幾骨子，有好多八、九十年代既歌星畫像飲品紅豆奶茶有很重的紅豆味黑糖珍珠奶茶味道不俗招牌臭豆腐未食已經有陣陣臭豆腐香味，入口鬆化，豆香味重，一定要點辣醬，有點辣醬好食多幾倍，而本身係即叫即炸，非在微波爐翻熱，所以食落唔係太重油膩感。炸花枝丸同樣係即叫即製，入口外脆內熱，肉質彈牙，配沙津醬令味道更突出。紅燒牛肉飯牛肉帶筋有咬口，而本身肉質幾腍，成個飯帶點辣可以刺激食欲。招寶飯分量極多，可謂一般飯的1.5倍，雞翼、大腸非常入味，豆腐大大件好香口，魯肉整得好入味，鹽酥雞即炸非常香脆多汁。