阿德廚坊 (Closed)

平凡既星期六，小新同愛麗絲去左阿德廚坊呢間街坊餐廳食晚餐😁我地兩個都點左鐵板餐，一個兩餸餐$70，因為加飯或意粉就要加$5，所以最後就淨係配薯菜就算，本身以為會唔夠飽，但其實已經夠食🙈小新點左鐵板黑椒汁豬扒加牛仔骨，愛麗絲就點鐵板蒜蓉汁牛扒加雞翼。本身以為較平既價錢，啲牛扒會薄啲同冇咁好食，點知個牛扒好正😍 唔會太多筋同肥肉👍🏻 而個雞翼都好香口，雖然小新取笑愛麗絲食鐵板雞翼💩而小新既牛仔骨就相對冇咁大份，亦都冇牛扒咁好食😜 不過豬扒都係好食既😉總括，阿德廚坊既鐵板餐絕對食得過👍🏻 平日想去食鐵板晚餐，推介你去呢到食，價廉物美啊😀😀