阿德廚坊 (Closed)

平日唔煮飯我便最鍾意去幫襯阿德廚房，今日 想留喺屋企睇電視，叫咗老公落去買外賣，揀咗魚香茄子飯同鲜茄牛肉飯。外賣的餸大大碗，白飯一大盒，價錢相當合宜，兩個飯一家三口都夠食。魚香茄子是我至愛， 差不多每一次都會食， 這個菜確實有鹹魚味， 茄子唔會煮得太熟，一條條咬落去，非常有口感，加埋美味嘅肉碎，用嚟撈飯最好。番茄牛肉都好多料， 蕃茄好新鮮，大大舊，牛肉夠淋，醃得夠入味，小朋友最鍾意呢个餸，个汁都係撈飯之選。

平日放工又要煩諗下食咩，因為老媽係無定向間歇性無飯煮婦，一家人都係外出食飯多。但係餐餐出街食其實堅貴，雖然想食中菜小炒但又唔想去食酒樓。今晚成7個成員出動食飯，想坐得鬆動D，無意中經過土地廟見到呢間鋪，外面望入店面好似長方型咁深，空間夠大，但係客又唔算好爆(其時為黃金晚飯時間約8點)，想坐得舒服D，所以決定試新野。入到去自行揀位，見到左位兩邊有好多4人卡位，中間係一排排6-8人既餐桌。揀左張近水吧附近既8人枱(侍應任我地自己揀位坐)，方便擺下手袋。餐牌好多種類揀，有晚飯小炒、鐵板据扒同拉麵類。眼望四周見到唔少人据扒或炒一碟碟餸，最後拍板點左5個小炒。點完炒唔係等左好耐就上菜。個京都肉排好入味好香甜，甜酸度適中，愈食愈開胃，肉排炸過有點脆口，獲氣仲正過大排檔風味，下次再番兜一定必點。碟栗米斑塊純粹點比兩個小朋友食，易消化同咀嚼，原本個重點都唔放係呢個菜款上，因為會以為無咩特別，但又估唔到幾好味，唔知係咪新鮮炸個角塊既關係(外面食既所謂斑塊係淋淋地甚至預先炸定會硬身)，外層卜卜脆，忍唔住同細路爭食左兩塊。個牛腩煲原來點黎純當係前菜，因為要等齊人，坐底等成20分鐘又未開飯住，點來止下口癮又唔

阿德廚坊喺黃埔開左好多年，入面嘅裝修依舊，好令人懷念今次食左佢地嘅常餐，包通粉、茄汁豆、煎雙蛋同飲品。鮮牛肉通粉好大碗，通粉好多！湯底都幾濃煎雙蛋可以轉炒蛋，但似奄列多啲。亦都油左少少，同埋唔係好夠熱

正在看周圍怎麽都是小吃，不知如何坐下來吃飯的時候，就看到了這家店。來這裏吃的都是香港本土的人，老年人，學生黨和西裝的上班族。店內服務很好，套餐29港幣一位也不貴，還有很多種樣子可以選擇。套餐裏的熱飲若要換成冷飲，再單加2港元。套餐可以吃的很飽，刀叉西式。

外地人可能無聽過，但住黃埔既人一定知道阿德。阿德鋸扒又平又一舊🤤 73蚊有兩件自選扒，飲品，餐湯，唔夠飽既加五蚊又有飯/意粉😛 又平又好食，我最鐘意佢有一支茄汁俾人，塊板新鮮熱辣落小小落汁，jaja聲，太好聽😂大家見到，塊扒大大塊，舊條係口咸勁正既粗薯，唔係平時麥記果種，對薯條有要求既人一定鐘意，茄汁係惠康果種甜茄汁，簡單得黎好食。檸茶黎講，茶味唔會太重，味道比較清新，但如果走甜可以會太淡🙈$ 73 有咁既質素，基本上想鋸扒就會黎

今日又決定黎到阿徳食下午茶，原因係呢度嘅野食一直都有咁上下水準、深受理大學生及街坊喜愛。加上，以統一價錢HKD 34就可以叫到任何一個下午茶餐，只可以用一個字抵黎形容今日想食反啲油嘅食物，所以叫左乾炒牛河黎試下。喺order嘅時候，店員會互相合作，以免錯過客人嘅order或令佢地等得太耐，值得一讚！大約等左10分鐘，食物就整好喇乾炒牛河雖然無外面食到嘅火鑊味，但係，牛肉夠香夠嫩唔會老。加上整體菜式嘅外觀配撘得宜，吸引眼球。真係值得推介俾大家試一試價格而言，34元包一餐加飲品真係好抵，而且下午茶時段夠長 (2-6pm)。真係可以吸納到唔少客人去享用佢地嘅午餐

係紅磡食排 會黎啊德🙈 因為夠大份 又有餐湯 又有飲品😋😢 仲係雙併！ 有牛排 牛眼排雞排 豬排 珍寶腸簡 etc 仲有好多選擇😆！牛排真係好大份 有成兩件又 夠林 成個鐵板都係排 可以配薯菜 或者飯或者意粉😆 價錢都好親民 $70幾蚊🙈 舖頭紅磡黎講算大 每次去都好多人 😆 好多街坊都鍾意黎👍

原本打算來這裡食中式小菜，但黎到見其他食客點的鐵板餐好吸引，所以立即轉軚。雙拼鐵板餐配薯菜，連餐湯和熱飲$73, 加飯或意粉另付$5. 可供雙拼選擇的肉類多達15款，梗有兩款啱心水。點了一份牛眼扒拼珍寶腸，薄牛扒竟然有兩大塊，肉質都ok, 不會過淋；而珍寶腸是全條上，絕對足料。另一份就要左雞腿拼龍脷柳，炸脾大大隻並炸得香脆，肉有少許乾；龍脷柳大大條煎得香口。整體份量十足，價錢不貴，下次可以試番中菜看看味道如何。

每個星期都會搵唔同餐廳食早餐但啊德經常成為早餐三甲之內！最主要係區內早餐多數去到11點但阿德會去到11點半所以晏小小落街都會搵到早餐早餐Menu選擇多而且組合可以自由配搭所以無論鍾意食粉麵還是小吃都會搵到鐘意食的。今次叫咗一個沙嗲豬頸肉紅腸檬粉配熱檸水，個人覺得豬頸肉味道偏鹹但檬粉頗淋，所以唔錯唔會胃痛店內座位很多所以基本上不用等位，上菜速度亦很快所以區內很多街坊都會來光顧。希望早餐會keep住落去

阿德係紅磡數一數二既街坊飯堂，尤其下午茶時段更加經常見到好多街坊係入面嘆tea hea下！由$24下午茶食到依家$33，咁多年都仍然照舊order咖哩雞扒飯同肉燥飯！咖哩雞扒飯既雞扒好大隻，咖哩唔係紅橙色辣個種，而係加左椰汁落去變成淺黃色帶甜同椰香既咖哩，送飯認真一流！肉燥飯無論飯量同肉燥量都好多，佢既肉燥同台灣既有小小唔同，肉燥比較深色同埋細粒，多左一種香口之餘仲帶點八角香料味道。肉燥撈飯又係另一好味推介！以下午茶計既話，真係好夠份量好飽肚！再跟一杯餐飲，屬於抵食之選！

以前和大學同學來過食鐵板扒，今日偶爾回來回憶一下。泥到當然點返個鐵板。叫左牛眼扒和豬肉眼扒。一如概往，佢啲汁真的幾好吃，配飯一流。不過塊牛眼扒真的韌左啲，用刀据都有啲困難。豬肉眼扒相比下容易入口好多。然後佢的薯菜是超足料，食到好飽。羅宋湯都Ok，味道唔算話好濃。不過個人麻麻地有陳皮在湯裡面。 這裡的環境寬敞舒適，服務員做嘢又爽快。偶爾得閒回到紅磡都可能會來坐低吹水。鐵板價錢已經加到去$73，但我覺得都還好啦，現在度度都加晒價。

其實本想到幸福小廚重溫當年的「幸福咖喱味道」🤔，但是幸福小廚搬到對面之後店舖小了，好像沒有那麼親切，於是這一次去了阿德廚房。其實之前一直未曾光顧過阿德廚房，想不到原來位置那麼多，佔地非常之廣，卡位都有超過20張，連同中間的桌子，可能可以同一時候安排150人同時進食。鐵板餐及小菜都不太吸引，不要緊，隨口噏的小菜，包括白飯一碗及中湯，也不過六＄70 ，可能比起自己買材料回家煮飯更加便宜。結果點了一客菠蘿咕嚕肉，給一個馬來咖喱牛脷，店員隨即端了兩碗中湯過來，是蓮藕湯，不太喝到味精，也不覺得加水溝淡的，味道清淡，還是相當不賴。先來的是馬來咖喱牛脷，牛脷外表厚切，看來好像非常之厚又夠實淨。咖喱汁，比起以前在幸福小廚嚐過的甜甜辣辣咖喱汁相比，就相差甚遠，這兒只有少許椰香，咖喱味不太香濃。牛脷的質感與其賣相大相逕庭，想不到一口咬下竟然非常之軟林，軟綿綿的很容易可以撕開。咖喱汁之內還有一兩塊薯仔以及青椒。配咖喱那碟飯比起咕嚕肉的碗子飯多很多，可能讓客人以咖哩伴飯吧。凍檸茶，茶味不太濃，味道普通，不必再喝。

今日路過紅磡，心血來潮去食以前幫襯過好多次，覺得味道幾好嘅茶記，可能係茶記覺得我太瘦，整份富含天然有機蛋白質嘅肥牛蚯蚓雞煲俾我食，但我自問體態已夠肥，當下把火喚來四眼短髮阿姐質問，點解個餸會有蚯蚓？呢位阿姐真係老闆好伙計，一句道歉都欠奉，惡形惡相問候我「咁你想點啊！」當場一句KO咗我，冇點嘅，我懷疑你哋提供與質素不相符嘅食物，唯有埋單再召喚食環署取走化驗。期間出現兩位唔知咩身份級別嘅茶記人士前來左睇右睇，甚至意圖想取走「蚯蚓」，不過俾我制止咗。食環在4月份已通知，證實該疑似蚯蚓物為環節科生物。

同朋友去左紅磡行左一輪都唔知食咩之後經過呢間野 見價錢幾平就一於入去試下之後決定試下個雙拼排餐 包餐湯野飲本身想試下佢啲晚餐但就要80幾蚊 得一樣野食 不過塊排會厚啲 大塊啲不過因為想食多啲款最後就決定叫個雙拼鐵板叫左 肉眼牛排加石班 配黑椒汁塊牛排好大 少筋 但略嫌太薄塊石班就冇咩特別 不過都冇雪藏味 解凍做得幾好個黑椒汁就唔辣 但都幾惹味最後叫左杯凍奶茶個茶底夠香滑 拍得住啲茶餐廳 可以一試 （但唔記得影相）以70幾蚊食西餐黎講 十分滿意了

今天在何文田一帶出沒，平時通常行落去旺角吃午飯，忽然想起黃埔地鐵延線（始終改不了口，還是不習慣改稱港鐵）已經通車，不如走去何文田車站搭車去黃埔開飯。去到黃埔，不想在黃埔花園內的商場餐廳吃飯，因為絕大部份都是連鎖式飲食集團，決定走向黃埔新村的舊區範圍。沒有任何計劃下行到去「阿德廚坊」，見到門前行人路上豎立了一塊大大個的小菜套餐餐牌，正合心意。作為一間街坊小菜館茶餐廳，面積算很大，接近一間中型港式粵菜酒樓；但室內照明嚴重不足，不是那種搞氣氛格調的昏暗，而是暗暗沈沈的不夠光猛，總之，沒有茶餐廳應該擁有的光猛。很奇怪地在午市黃金時段，又位處紅磡這個住宅老區，偌大的茶餐廳只有兩成人客左右，開始擔心中伏。午市套餐免費贈送的例湯呈現淡黃色，估計都是木瓜湯之類；但用湯匙掏來掏去，都只有幾塊老黃瓜，完全不見有豬骨、瓷實等其他材料。已經不會期望茶餐廳的例湯味道濃郁鮮味，但實在比想像中還要差！話明例湯，材料和水份的比例當然不及自家的老火湯，顏色較為清淡也是預計之中；但味道出奇地濃 ⋯⋯ 只不過是「味精」的那種濃烈。喝了幾口，已經有口渴的感覺，除了濃烈味道之外，完全飲不到豬骨或瘦肉的味道，最終放棄了。菠蘿咕嚕