Rasoi 傳統印度菜 (Closed)

今日同細佬去大角咀探外婆，之後我地落街食飯，經過見到呢間印度餐廳，婆婆話從來未食過印度野，咁就同佢一齊試吓！周圍掛滿印度風格的畫，好有特色送的餐前小食，每人有一塊，橙黃色的醬有少少芝士味，好好食！我哋叫咗一杯士多啤梨奶昔和一杯印度奶茶，奶昔士多啤梨味不是太濃，奶味很重，不會太甜，好飲！點左一份牛油雞件，雞肉甜甜地，個汁好好食，配薄餅食一流！叫左一份蒜蓉烤薄餅和一份芝士烤餅，好香口，不會太油。最後叫左一個印式烤雞肉炒飯，辣辣地，雞肉好入味！好欣賞呢間餐廳的印度菜，好地道，而且服務態度很好，價錢亦不算貴，值得推介！