Rasoi 傳統印度菜 (Closed)

入左間鋪，幾乾淨，俾人感覺幾舒服，有點富印度特色既裝飾，感覺好似放緊假去左旅行，不過，電視仲播住大家熟悉的無線，兩個人慢慢食，食足個半鐘，二人套餐超值$320幾埋單，驚喜既係每樣食品都幾好食，前菜有些炸物及脆片，但有三色醬汁配襯一點也不單調，主食的咖哩同薄餅都好好食，跟埋飯，一定夠飽，連甜品同野飲都無令人失望，布丁有清新橙味，不太甜，又夠凍，連平日唔好甜既人都會想試下，飲品方面選了印度啤酒，襯埋個同款酒杯，成件事一點都不馬虎⋯⋯唔怕重香料味既朋友不妨試試

最近知道大角咀有一間由印度人開的餐廳，本身喜歡東南亞食物的我，當然要去試一試，尤其這是由正宗印度人主理，想必質素會有保證。餐廳裡面的佈置就已經好有特色，以黃金色為主調，牆上周圍油上了中東特色的畫。連職員都是印度人。可幸的是他們的餐牌有中英對照，還圖文並茂。D.MUTTON VINDALOO $108這裡的晚市有套餐，價錢一百元左右，有沙拉、主食、湯、飲品和甜品。這個是羊肉咖哩，羊肉地嫩滑，咖哩惹味，十分吸引。份量也不少，食完都好飽。餐飲我點了Mango Lassi，餐加$18轉此特飲，是印度的芒果乳酪，奶味好濃，芒果味不太甜，大大杯清涼解渴！E.BBQ(TANDOORI)Chicken Tikka $98這個同樣是餐，但是以烤雞為主食，同樣個set有湯、主食、沙拉、飲品和甜品。雞本身香料味十足，烤過後香氣更甚。雞肉烤過會比較乾身，但肉感還是有彈性。餐飲點了杯凍檸七，清涼解渴。餐湯是豆類煲成的湯，味質濃郁。兩個餐都跟了甜品，味道質地似芒果布甸，甜甜地。Fish Fritter $52小食點了這個炸魚餅，魚的粉漿有調味，香料味十足，有少少辛香。魚肉嫩滑，外皮香脆可口。餐廳的食物水準不錯，服

為左方便朋友收工後可以早些食晚飯，於是我們就約在朋友工作附近-大角咀來緊餐。 原來大角咀都有正宗印度菜食，用不著匆匆忙忙地趕到重慶大廈食正宗印度菜。 門口招牌好易搵，店內不僅佈置得簡簡單單兼舒服，加上墻壁上的印度壁畫和七彩繽紛的吊燈，令人感到充满印度氣氛；餐廳內不大，都幾適合包場開party。想樣樣都點來食，但我們只是兩個人，肚的空間有限…後來店主介紹二人餐($298)俾我們, 每款的分量不會太多，咁我們就可以食到多款印度小食和主餐。首先， 來前菜-脆卜卜薄餅，味道咸香, 也隨上三種印度傳統醬料(薄荷青芥味，奶酪，甜酸醬)來點薄餅，我比較喜歡薄荷味。小食有外脆內啖啖咖喱香口的薯蓉咖喱角； 而炸蔬菜，雖然賣面不突顯，但咬落去就覺得洋蔥和蔬菜的水仍存在，清甜。另外，還有其他小食-無骨燒雞和烤魚塊，肉質因有少少過左火喉而偏幹，但可淋上幾滴檸檬汁，可帶出味道，還可接受。主菜就有咖喱羊肉和椰菜花馬鈴薯， 羊肉好喃而不會羶； 椰菜花馬鈴薯有少少辣。 此兩款主菜配白飯或蒜蓉烤餅一樣咁惹味。最後我們揀左芒果酸奶和青檸梳打， 我喜歡creamy的芒果酸奶， 好似支裝乳酪的口感； 如果想飲清d, 可揀青檸

聽聞地處大角咀的Rasoi主打印度北部的傳統菜式，厭倦了最近的中西日式料理，是日收工，決定和男友一嚐印式美食。餐廳門口色彩鮮豔，牆上掛著印度美女的畫像，播放著極具印度風情的歌曲，讓人彷如置身印度。也許不是主流菜式的關係吧，餐廳整體人流不算很多，但環境反倒顯得清淨，很適合慢活享受一下印式美食。環境好舒服，餐具整潔，還看到印籍的男侍應一絲不苟地擺放餐具。餐牌很厚，各式選擇都很多，看得人眼花撩亂。選擇困難症的我倆最後決定揀二人套餐，相信份量頗足。胡椒脆餅配三色醬點餐完畢，侍應送上熱辣辣又香脆的胡椒薄餅，隨脆餅奉上三色醬，包括燒烤醬、薄荷醬以及奶酪醬。三色醬各有特色，各具風味，但如果說適合一般港人口味的話，可能就要數奶酪醬了，燒烤醬較濃味，薄荷味就比較小眾一點。薯蓉咖喱角  &  炸蔬菜炸蔬菜，香口不帶油益味；內陷的洋蔥清甜。薯蓉咖喱角，皮薄酥軟，內有薯蓉、粟米、青豆等素餡，淡淡咖哩味不會太嗆，不錯。烤魚 & 無骨燒雞烤魚，加入香料一起烤的魚塊，內裡的魚肉還算鮮嫩，但多吃會感覺略略乾了些。稍微擠一些檸檬汁，感覺會新鮮一點。無骨燒雞，與烤魚相比，略感遜色，可能是燒烤過度的原因吧。蒸飯  &  咖

今日同媽咪泥左大角咀呢度食呢間印度菜，外面招牌好鮮艷，店內裝修就好簡約，以為印度餐廳會比較污糟，但係呢間就非常之乾淨整齊，枱布都係用一啲應該幾貴價嘅布去蒲嘅。我哋叫咗一個馬沙拉烤餅＄28 ,芒果奶昔＄35,印度奶茶＄25 ,牛油雞件＄78 ，炸蔬菜餡餅＄38。馬沙拉烤餅上面好多蒜蓉，我哋以為自己叫咗蒜蓉烤餅，但老闆話係馬沙拉烤餅，食落好重蒜蓉味，裏面有啲芝士，有啲似蒜蓉包。炸蔬菜餡餅裏面有芝士粒，食落同普通食開嘅芝士唔同質感比較輕，密度亦都冇普通芝士甘高，有一浸奶味，唔係太流，叫佢俾埋個三色將我哋點，食落幾香口鬆脆。牛油雞件個醬好濃，食落個味好特別唔知點形容，但係有一陣芫西同印度香草嘅味，用來送烤餅真係唔錯。最後到杯芒果奶昔，非常之清新，唔係太甜芒果味好濃，唔會太流，成杯飲晒。順帶一提，老闆同埋侍應招呼都好周到，令我對印度餐廳改觀。

大角咀一向食肆臨立，今晚來到印度人主理的餐廳，當然要嘗嘗正宗印度菜。心知散點餐牌上的食物，份量必然很多，又未能滿足我倆喜同時吃不同菜餚的需要，最後決定點二人套餐 （$298），集多元化食物於一身。蒜蓉咖哩角、炸蔬菜，兩款前菜都是炸物，香口脆身，帶點微辣。無骨燒雞、烤魚塊，燒雞醃成橙紅色，似是雞胸肉。魚塊是兩小件，味道還可以。主菜為咖哩羊肉及磨菇粟米，顏色呈啡紅色的咖哩屬小辣程度，容易入口，羊肉大大件，肉質看似結實， 但仍可絲絲切開來吃。最合心水的莫過於磨菇粟米，微甜的粟米粒，是伴飯良品。原本侍應奉上普通的白米飯，經我們再三詢問後，待應換來印度飯(本來套餐不能更改的)，好讓我倆感受真正的印度風味。蒜蓉烤餅，充滿蒜味的烤餅，一點都不鹹，沾上咖哩或粟米汁，口感一流。餐廳食物印度風味十足，不妨一試。

香港雖然細 但勝在咩國家菜都可以係到搵到！上星期朋友帶我地到大角咀歎正宗印度菜 餐廳由廚師到侍應都係印度人 全程要用英文同佢地溝通！可能怕我地食唔慣 佢地會周不時關心我地點既菜式啱唔啱食每枱都會送上開胃餐前小食 薄餅數量按人頭俾！新鮮薄餅烤到好脆 有三款醬俾你蘸黎食（其實食完都食唔出係咩醬😂）但好彩唔係全部都辣 個人推介綠色醬 唔辣之餘幾開胃！正宗印度烤雞：雖然一上菜聞到好重香料味 但有趣地食落又唔多覺 呢點覺得相當有驚喜！另外肉質鮮嫰並附有肉汁 而且所有雞骨都被去掉 所以可謂啖啖肉！印度咖喱魚：侍應特別向我地推介呢款人氣之選！可能要迎合港人口味 所以呢款咖喱偏甜 送白飯一流！除此之外食得出有陣陣椰香味 但又唔會蓋過魚塊既鮮味乳酪烤餅：印度菜館才有嘅新鮮乳酪烤餅一定要試！除咗乳酪 應該仲有雞蛋同蔥絲做材料 摸上手有d油 口感煙靭鬆軟 層次一流！唔洗額外蘸醬味道都好足夠

今日同細佬去大角咀探外婆，之後我地落街食飯，經過見到呢間印度餐廳，婆婆話從來未食過印度野，咁就同佢一齊試吓！周圍掛滿印度風格的畫，好有特色送的餐前小食，每人有一塊，橙黃色的醬有少少芝士味，好好食！我哋叫咗一杯士多啤梨奶昔和一杯印度奶茶，奶昔士多啤梨味不是太濃，奶味很重，不會太甜，好飲！點左一份牛油雞件，雞肉甜甜地，個汁好好食，配薄餅食一流！叫左一份蒜蓉烤薄餅和一份芝士烤餅，好香口，不會太油。最後叫左一個印式烤雞肉炒飯，辣辣地，雞肉好入味！好欣賞呢間餐廳的印度菜，好地道，而且服務態度很好，價錢亦不算貴，值得推介！

很少會去大角咀呢邊食飯，朋友介紹呢間唔錯的印度菜俾我。門面光鮮第一印象不錯，入面既裝潢都舒適唔侷促，加上旁邊既燈光和畫令人更投入。一來是脆餅（好像是送的😝）配搭三個不同的醬，感覺好特別，因為三個醬的味道分別很大。之後還點了芝士薄餅和蒜蓉薄餅，芝士薄餅好好食，芝士味唔太濃，方便我地點不同的咖哩醬汁。點了一個印度烤雞飯，微辣的感覺不錯。還聞得出好重的香料味！足料！最後不少得印度奶茶～第一次飲印度奶茶，飲得出同樣好重的香料和紅茶味，同行既朋友更飲得出有薑總括來說，印象好好，食物又好味，服務員仲不斷加水，又好笑容又客氣。好值得再去。

今天和老公去大角嘴大同新邨，探望舅婆，佢身體健康欠佳，去問候一下，還好舅婆只是感冒，食藥多休息就好了！探完之後落到樓下，見到一間食印度菜的，名叫Rasoi 傳統印度菜，已經晚上9點，正諗緊食乜晩餐，食印度菜都好，佢地d咖哩好好食，入去試試吧！晚飯套餐好底食，一個價錢有：是日例湯、是日沙律、精美小食、主菜和甜品。還有飲品。我要汽水，老公要啤酒要加18元，佢話好好飮！香草椰汁燴羊肉配烤餅：食得到是用左很多香料烹調，味道有d辣，羊肉入味不會羶，還有蔬菜沙律，餐湯是蕃茄豆湯，小食是炸蔬菜饀餅，甜品是芒果布丁。咖哩雞配烤餅：咖哩汁好香芫茜味，微辣，雞肉好滑，烤餅點上咖哩汁食，非常惹味！

睇演唱會前食印度菜真係第一次，時間仲早所以一入到去冇乜人，但食到咁上下越來越多人，差唔多已經滿晒位，電視機一直播住印度音樂mv，枱布都好有特色。前菜脆薄餅一共有三款醬，綠色嘅係薄荷帶有少少辣味，橙色嘅酸酸地我最鍾意，夠晒開胃，啡色係甜酸醬，好似燒汁。蒜蓉烤餅$28香茜同蒜香味好香，就咁食已經夠晒味道，見到好多蒜粒，點醬食亦有另一番風味。印色烤雞肉炒飯$88飯炒得粒粒均勻，燒雞口感亦唔會好"鞋"芒果乳酪$38好似新鮮芒果味咁，甜度啱啱好。南方印度香料椰子茸煮蝦$95個汁好好食👍🏻見到好多葉嘅香料，我差唔多將d汁食晒，蝦好爽，但我比較鐘意有殼蝦，所以我覺得羊應該會更好食。炸蔬果餡餅$38賣相比我想像中唔同，我第一次食呢一種炸法，幾特別，雖然係油炸，但食落唔會感覺油，當中有辣椒、茄子、番薯、薯仔、西蘭花，點埋醬汁食會更加好味👍🏻D野睇落好似細碟，但其實分量好足，食到兩人飽飽離場，會有下次的😋。

叫印度餐外賣400蚊，次次欠飯！我冇飯，點食咖哩, it does not make sense ！個印度老闆仲同我講係個司機問題。吾通司機食咗咩。又冇道歉！從今以后blacklist! 一D服務及respect 也沒有！I ordered a take away delivery meal over hkd 400, it never come with the rice that I have paid. If the owner of the restaurant has common sense he would have spot there is problem with him and the delivery guy. The owner shows no respect to the customer. He did not even apologised for what customer is experiencing. Eating curry with no rice, can you believe that?

途經大角咀大全街 ，發現了這間Rasoi傳統印度餐廳，從玻璃門外望入裹面 的擺設和員工全部都是印度人加上 牆上 幾幅大大的印度畫像再配上 一盞盞的彩色吊燈 襯托 瀰漫著 濃濃印度色彩 很久沒有吃印度餐了入去試試 也好…… menu 中英對照 價格不算高， 員工 以英文為主 也有 幾句廣東話聽得懂，所以溝通問題不大 ，他們笑面迎人服務態度也不錯！ 我們order了……首先送上免費餐前小食……Papad 薄脆餅 配以三種醬汁; 乳酪 甜醬 薄荷醬， 三種味道都不錯尤其是乳酪我最愛 很滑和Creamy， 薄荷醬甜甜的 很清新，藉著 這個小食 喚醒了味蕾 ！Seafood Soup 海鮮湯 $ 38湯的味道鮮甜順滑，有點香草味，與西湯有點似，好味！Vvegetable Samosa (4 pce)蔬菜脆角 ( 一客四件) $38熱騰騰奉上 ，外皮鬆脆 裏面有薯仔蓉和蔬菜吃落很軟綿綿，口感很好！Chicken Curry $ 78 ……咖哩雞 $ 78食得出咖哩醬汁裹豐富的香草味 ，雞 肉烹調得 火候適中 入口嫩滑，不太濃也不太淡，味道剛剛好！Garlic Naan $

大角咀最近是我喜愛去覓食的地方，這晚找到間印度人開的傳統印度菜。我自己並不是很喜歡踏入重慶大廈，所以即使想去食印度菜也無從入手，但得知這附近有一家，我就要去試試了。這裏的感覺令我很有新鮮感，色彩鮮豔的，等別是餐桌的桌布，配色配得很美，賞心悅目，還有部電視播著印度的MV。不想頭痛的我倆選個二人餐就好了。餐廳標榜他們的香料是有機的而且都由印度運過來的。飲品方面選了青檸梳打和sweet lassiSweet Lassi很重的乳酪味，我非常喜歡。先來個前菜薄脆餅，有三種可以沾的醬汁，印像中紅的是甜甜的，綠的是酸酸的，橙的是辣辣的。咖喱角和炸洋蔥，我很喜歡這個炸洋蔥，很香很甜，吃不停口！無骨燒雞和烤魚無骨燒雞很入味，雞肉實而滑，無得頂啊！烤魚的魚肉也很軟，不錯的。蒜蓉烤餅太美味啦！！男朋友和我都讚不絕口，本身已經很香的蒜蓉味加少少甜甜的薯仔一起吃也很滋味！不經不覺就吃完。另外細細粒的印度米很乾身，配上咖喱雞是一流，咖喱很香椰味，還有香料的香味也很獨特，跟平時的餐廳確是不同。最後還有芒果啫喱？作結尾，甜甜酸酸中和一下剛才濃味的食物，很滿足。男朋友剛踏出門就已經在說下一次還要再來了，埋單三百多元很超

大角咀其實都有好多特色餐館，上個月就同幾個好姊妹一齊去個邊食晚飯當晚我地揀左一間印度小餐館，準備黎個印度菜之夜餐館不大，但我們入座時間尚早，所以都未算好爆而滿座，後來就愈黎愈多人餐館既店員全部都係印度人，要用英文溝通，不過放心唔洗怕難落單，因為meun係中英對照既我地當晚叫左個set同散點左一啲小食齊齊share啲食物整體既味道都唔錯，菜色一如印度菜既偏濃味，岩晒重口味既人仕我就最中意食nana bread ~熱辣辣，食落煙煙韌韌，沾上菜式既醬汁令我地不停-飲品方面，佢地既mango lassi都好香濃好好飲，但我飲晒先發覺無影到相而跟餐附送既係印度特色既米飯布丁，食落好creamy而且帶有香料味，我自己就覺得ok接受到，但朋友仔就覺得麻麻地-雖然食物唔係好突出，但都唔差架！店員既服務都幾好，有時支持下呢啲小店係需要架