神石燒牛扒水產專門店 (如心廣場二期) (Closed)

今次想同大家分享，我上星期食咗嘅呢一間鐵板燒肉店，今次呢間餐廳係同事推介我嚟食，佢話呢一間除咗價錢抵之餘，食物質素都相當出色！今次食咗咁多款肉入面，我就最推介傳統石燒極上原條厚切牛舌芯！因為好少食到咁厚切嘅牛舌心，而且仲要好爽口！超級出色！仲有湯方面，我就最推介黑豚牛舌洋蔥湯，估唔到個湯有勁香嘅肉味，佢仲加咗少少洋蔥，飲嘅時候個味道就更加清甜！另外，餐廳仲有半自助區，客人可以自己拎珍珠飯、紫菜同埋沙律，我就最鍾意要一碗大大碗嘅珍珠飯，再加少少洋蔥湯落去，加埋少少紫菜真係超級好食！對於今次呢一餐真係食得非常之滿足😋！