Video
Read full review
2022-11-27
402 views
港島如果想去小店食滬菜，會介紹呢一間，天后站一出行三分鐘左右就到。第一次黎堂食，6:00食晚餐有點早，所以冇咩人。不過陸續見有街坊買外賣同都多堂食客。兩位女士若唔太肚餓，我覺得可以點「豐盛一人餐」另外加添點心 或直接點「極品一人餐」，都夠食。同朋友想食鍋貼加小龍包，決定點「豐盛一人套餐」加一籠小龍包及芝麻湯圓。豐盛一人餐有湯，小食，點心，主食，及飲品，共五款。我哋叫左酸辣湯，醉雞，蝦仁跑蛋（即係蝦仁煎蛋），鍋貼及豆漿。1.蝦仁跑蛋：蛋煎得香，蝦仁夠夠同爽口。2.鍋貼：煎得乾身，肉汁鎖左係入面。即叫即煎要啲時間等，都確保唔會淋唒。3.小籠包：同鍋貼一樣，肉汁包住，皮唔係最薄，但厚度可接受，重點冇爛皮！最鍾意咬穿少少皮再啜肉汁，不過熱辣辣小心燙口。4.芝麻湯圓配薑茶底：習慣咗每餐飯都要食甜品，黑芝麻湯圓啱晒。一碗五小粒，一口一粒，皮薄包住粒粒黑芝麻，正！薑茶唔會太辣，唔嗆口，好岩秋冬暖胃。呢間有三間分店都係港島區，呢個價錢想食滬菜，都係不二之選
兩位女士若唔太肚餓，我覺得可以點「豐盛一人餐」另外加添點心 或直接點「極品一人餐」，都夠食。
同朋友想食鍋貼加小龍包，決定點「豐盛一人套餐」加一籠小龍包及芝麻湯圓。
豐盛一人餐有湯，小食，點心，主食，及飲品，共五款。我哋叫左酸辣湯，醉雞，蝦仁跑蛋（即係蝦仁煎蛋），鍋貼及豆漿。
1.蝦仁跑蛋：蛋煎得香，蝦仁夠夠同爽口。
2.鍋貼：煎得乾身，肉汁鎖左係入面。即叫即煎要啲時間等，都確保唔會淋唒。
3.小籠包：同鍋貼一樣，肉汁包住，皮唔係最薄，但厚度可接受，重點冇爛皮！最鍾意咬穿少少皮再啜肉汁，不過熱辣辣小心燙口。
4.芝麻湯圓配薑茶底：習慣咗每餐飯都要食甜品，黑芝麻湯圓啱晒。一碗五小粒，一口一粒，皮薄包住粒粒黑芝麻，正！薑茶唔會太辣，唔嗆口，好岩秋冬暖胃。
呢間有三間分店都係港島區，呢個價錢想食滬菜，都係不二之選
Post
