Video
Read full review
2022-02-07
1424 views
早幾星期前跟師姐去西貢食海鮮. 回味無窮. 今日自己嚟流浮山搵食! 香港主流食海鮮嘅地方有西貢, 鯉魚門. 遠少少就三聖邨. 山長水遠嘅流浮山主攻本地客. 普遍認為價錢較合理.朋友介紹. 今日第N次嚟流浮山明記. 食物有水準. 環境服務屬飯店水平. 價錢靠普.睇睇海鮮金魚缸. 我鍾意食嘅都齊晒.首先送個魚湯. 少少奶白色. 鮮味. 真係可以飲好多碗.第一道海鮮係蜜餞蠔. 蠔喺流浮山名物. 必點! 今日嘅蠔比較大隻. 有種蜜糖加雲呢拿嘅口感.豉油王煎蝦. 蝦頭膏香. 蝦肉Ok. 豉油好入味. 真係連頭連殼食晒. 不過未係嘩一聲. 支豉油90分. 上次西貢99分.油鹽水浸蝴蝶蜆. 明記嘅”油鹽水煮法”特別出色. 每次我都問老闆推介食材. 今日揀咗蝴蝶蜆.蜆肉較厚身. 多咗嚼口. 湯汁味道又鮮又濃. 俾到蜆肉足夠味道, 又保留到蜆嘅鮮味. 齋飲湯汁緊係鹹. 但係我都飲晒. 太好味!豉椒炒蟶子. 蟶子今日夠大隻. 爽口, 鮮甜. 配咗煎米粉底. 唔係好多地方食到. 推介.果皮蒸鮑魚. 鮑魚高質, 唔靭. 豉油味入晒鮑魚. 一流.蒜蓉粉絲蒸扇貝. 大隻. 啱啱熟. 蒜蓉味唔重. 啱我口味.最後一
朋友介紹. 今日第N次嚟流浮山明記. 食物有水準. 環境服務屬飯店水平. 價錢靠普.
睇睇海鮮金魚缸. 我鍾意食嘅都齊晒.
首先送個魚湯. 少少奶白色. 鮮味. 真係可以飲好多碗.
第一道海鮮係蜜餞蠔. 蠔喺流浮山名物. 必點! 今日嘅蠔比較大隻. 有種蜜糖加雲呢拿嘅口感.
豉油王煎蝦. 蝦頭膏香. 蝦肉Ok. 豉油好入味. 真係連頭連殼食晒. 不過未係嘩一聲. 支豉油90分. 上次西貢99分.
油鹽水浸蝴蝶蜆. 明記嘅”油鹽水煮法”特別出色. 每次我都問老闆推介食材. 今日揀咗蝴蝶蜆.
蜆肉較厚身. 多咗嚼口. 湯汁味道又鮮又濃. 俾到蜆肉足夠味道, 又保留到蜆嘅鮮味. 齋飲湯汁緊係鹹. 但係我都飲晒. 太好味!
豉椒炒蟶子. 蟶子今日夠大隻. 爽口, 鮮甜. 配咗煎米粉底. 唔係好多地方食到. 推介.
果皮蒸鮑魚. 鮑魚高質, 唔靭. 豉油味入晒鮑魚. 一流.
蒜蓉粉絲蒸扇貝. 大隻. 啱啱熟. 蒜蓉味唔重. 啱我口味.
最後一道海鮮: 鹽焗奄仔蟹. 明記嘅名菜. 可惜唔係當造. 點咗兩隻. 賣相麻麻地. 一大一細. 顏色又唔同. 不過有得食已經好好.
記得上一次食過. 蟹膏超爆超香. 真心推介.
總結一下: 明記走大眾化路線. 講真, 海鮮同加工費都好難逐樣計逐樣格價, 最緊要埋單合理. 食過明記幾次, 價錢靠普.
服務環境一般般. 上菜速度都幾快. 海鮮凍咗食真係自動扣分. 不過一分錢一分貨. 唯有人手叫佢上慢少少.
味道方面, 烹調功夫唔錯. 必試油鹽水煮菜式. 豉油蝦支豉油比其他地方稍遜. 蒸鮑魚同扇貝嘅豉油反而更有水準. 必點菜式一定係奄仔蟹. 值得推介, 一定會再嚟.
Post
