孖啡 (Closed)

係好耐之前已經有留意呢間樓上Cafe，最近終於有機會同朋友試下。呢間除咗可以用Apps網上訂位之外，仲會送你一客免費小食，感覺都幾抵，可惜今次食完飯唔記得咗有免費小食呢回事，浪費咗個優惠。-香蒜白酒蜆意粉 $108相信唔少人都認同，意粉中嘅醬汁係好緊要嘅一環。呢碟意粉嘅湯汁係做得幾唔錯，雖然唔太品嚐到濃郁酒味，但保留到白酒清甜，蒜香突出。食完意粉我忍唔住飲埋啲湯汁。蜆肉新鮮爽口，每隻都幾大粒，份量亦唔少。-蒜香雞翼 $52雞翼香脆，但口感唔夠酥軟，外皮略為硬咗少許。-凍青蘋果綠茶 $38Set menu包一杯$38飲品，有唔少水果x紅茶或綠茶嘅配搭。叫咗正正常常嘅青蘋果綠茶，味道都係無咩特別，正常水準。