Video
Read full review
2017-12-22
1059 views
我地一行8人一早book左呢度慶祝阿友人生日。8點鐘到步已經有另外兩大枱喺度, 間野唔算大, 加埋我地, 都已經爆左! 好彩有book到! 一坐低店員就叫我地盡快點餐, 因為人多, d野食會出得慢d。叫晒野之後就梗係即刻玩啦！揀左幾隻經典game熱下身。由於我地3枱人都係玩緊game, 地方又唔大, 所以好嘈,哈哈, 但我like! 如果係唸住好似普通樓上cafe咁搵個地方傾下計, 呢度真係有d難度~睇過下之前d post, 話d野食出得慢, 又真係要等幾耐下……不過我見佢得兩個女仔不停做, 個開放式廚房又豆潤咁細, 而我地都算有game玩分散下注意力, 所以都冇乜所謂啦！正所謂快樂不知時日過, 我個煙三文魚忌廉意粉終於都到喇! 賣相唔錯嘅, d三文魚砌到成朵花咁, 有d心思! 味道都幾好, $108跟杯野飲, 又唔限時, 我覺得算係抵啦! 最後我地叫店員拎個生日蛋糕出黎, 佢地不但播住生日歌出黎, 仲即席表演拉條rainbow出黎! 講緊嘅係子彈酒! 阿友人係咁嘩嘩聲, 因為真係每倒一杯都跟住變色架! 總括, 黎呢度食野係要有d耐性嘅！不過因為呢度係boardgame cafe, g
一坐低店員就叫我地盡快點餐, 因為人多, d野食會出得慢d。叫晒野之後就梗係即刻玩啦！揀左幾隻經典game熱下身。由於我地3枱人都係玩緊game, 地方又唔大, 所以好嘈,哈哈, 但我like! 如果係唸住好似普通樓上cafe咁搵個地方傾下計, 呢度真係有d難度~
睇過下之前d post, 話d野食出得慢, 又真係要等幾耐下……不過我見佢得兩個女仔不停做, 個開放式廚房又豆潤咁細, 而我地都算有game玩分散下注意力, 所以都冇乜所謂啦！
正所謂快樂不知時日過, 我個煙三文魚忌廉意粉終於都到喇! 賣相唔錯嘅, d三文魚砌到成朵花咁, 有d心思! 味道都幾好, $108跟杯野飲, 又唔限時, 我覺得算係抵啦!
最後我地叫店員拎個生日蛋糕出黎, 佢地不但播住生日歌出黎, 仲即席表演拉條rainbow出黎! 講緊嘅係子彈酒! 阿友人係咁嘩嘩聲, 因為真係每倒一杯都跟住變色架!
總括, 黎呢度食野係要有d耐性嘅！不過因為呢度係boardgame cafe, game種類都算多, 玩住game等, 而d店員服務態度又幾好, 咁都算ok啦, 又唔限時, 一班人去玩都值得黎嘅！
Post
