Video
Read full review
2022-06-08
889 views
🥢鍋卷鳴門 🔍旺角通菜街1A-1L號威達商業大廈3樓3B室-----喺朋友嘅極力推薦底下，前幾日收工帶咗爹哋媽咪嚟呢一間日式海鮮火鍋店食晚餐。緩緩打開嘅木製🚪大門，帶點華麗又帶點✨神秘感，場內座位非常寬敞，設有自助qr code落單，亦有自助區比客人自己攞食物。🥣湯底：建議可以揀傅統鰹魚清湯，因為佢哋嘅海鮮極其新鮮，較清嘅湯底更能突出海鮮嘅鮮甜味。🔥海鮮區：佢哋嘅海鮮區並唔係一般嘅急凍海鮮，係用水缸養住嘅全活海鮮，比客人任夾任食，亦都係朋友極力推介嘅主要原因。活海鮮嘅種類頗多，例如有活鮑魚，蜆、賴尿蝦、大蝦、海螺、刀貝等等，而且全部都係有質素嘅海鮮，Size夠大，味道夠鮮，質感彈牙，自己屋企打邊爐都未必捨得買咁好，可以任食都幾驚訝，只要夾海鮮技巧得當，快手夾完再返去現洽現食，輕鬆回本絕對唔難。另外，我哋四個人惠顧仲有送上一隻新鮮現切龍蝦🦞（最少兩人惠顧就有送龍蝦）不過呢個就一次性冇得再order嘅。🍤天婦羅：佢哋嘅天婦羅全部都係即叫即炸，酥香得黎，天婦羅中央嘅食材亦都用得不錯，炸蝦唔會好似坊間好多嘅任食天婦羅咁，淡而無味。紫芋栗子薯餅亦係另一心水之選，顏色誘人，芋香濃濃，且帶有粒粒栗子
🔍旺角通菜街1A-1L號威達商業大廈3樓3B室
-----
喺朋友嘅極力推薦底下，前幾日收工帶咗爹哋媽咪嚟呢一間日式海鮮火鍋店食晚餐。
緩緩打開嘅木製🚪大門，帶點華麗又帶點✨神秘感，場內座位非常寬敞，設有自助qr code落單，亦有自助區比客人自己攞食物。
🥣湯底：
建議可以揀傅統鰹魚清湯，因為佢哋嘅海鮮極其新鮮，較清嘅湯底更能突出海鮮嘅鮮甜味。
🔥海鮮區：
佢哋嘅海鮮區並唔係一般嘅急凍海鮮，係用水缸養住嘅全活海鮮，比客人任夾任食，亦都係朋友極力推介嘅主要原因。活海鮮嘅種類頗多，例如有活鮑魚，蜆、賴尿蝦、大蝦、海螺、刀貝等等，而且全部都係有質素嘅海鮮，Size夠大，味道夠鮮，質感彈牙，自己屋企打邊爐都未必捨得買咁好，可以任食都幾驚訝，只要夾海鮮技巧得當，快手夾完再返去現洽現食，輕鬆回本絕對唔難。另外，我哋四個人惠顧仲有送上一隻新鮮現切龍蝦🦞（最少兩人惠顧就有送龍蝦）不過呢個就一次性冇得再order嘅。
🍤天婦羅：
佢哋嘅天婦羅全部都係即叫即炸，酥香得黎，天婦羅中央嘅食材亦都用得不錯，炸蝦唔會好似坊間好多嘅任食天婦羅咁，淡而無味。紫芋栗子薯餅亦係另一心水之選，顏色誘人，芋香濃濃，且帶有粒粒栗子咬口，令人欲罷不能。
🐟刺身：整體質素穩定高水準，魚類極其厚切，油脂豐腴，帶子亦係柔嫩鮮甜。
🥬火鍋配料及蔬菜：
佢哋嘅自助區火鍋配料選擇亦頗多，菜類方面特別啲嘅有羽衣甘藍同埋冰菜等等。不過由於全程focus狂食高質海鮮嘅關係😂，其實正常都冇咩時間食火鍋料同菜。值得一提嘅係佢哋嘅自助區食物全部都有用有蓋嘅器皿裝住，衛生度佳。
🍦飲品&甜品：
佢哋有幾隻品牌嘅生啤任飲，雪糕嘅選擇都好多，回本之選當然係貴價嘅MÖVENPICK或者Häagen-Dazs。（中意懷舊嘅都有多款Appolo雪糕可供選擇）
-----
👶🏻B仔整體評價：8.1/10個👍🏻
👶🏻B仔抵食程度：8/10個👍🏻
👶🏻B仔環境評分：7.5/10個👍🏻
👶🏻B仔服務評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowmk
Post
