見見面 (Closed)

餐廳裝潢幾有特色而且新淨，牆上掛咗花燈更添古香風味，座位間隔距亦足夠，坐得幾舒服。 😉食物嘅選擇亦幾多，魚類烹調有水煮、剁椒、烤魚等好幾款，另外亦有多款小炒，全部用QR Code落單。 水煮桂花魚 (例牌) $288湯底揀咗少少辣，聞落好香，而桂花魚片份量都幾多同好大片，肉質好嫰滑，配菜本身有好多芽菜，再另加咗寛粉(+$30)，寛粉配辣湯真係好夾。 🌶蒜泥白肉 $68蒜泥醬好香好惹味，薄薄嘅豬腩片配青瓜，開胃嘅小菜。 清炒萵笋絲 $78份量都幾多，萵笋絲好爽脆，食完辣野食呢個啱哂。 😉紅糖糍粑 $38一碟有8條，外層非常脆身，而入面好軟糯又煙韌，面頭灑上黃豆粉，再沾上紅糖醬，好食，呢個大推。 👍👍鐘意食水煮魚既朋友仔不妨試下，另外可以喺落單時選擇麻辣度，好彈性好方便。