Video
Read full review
2020-10-26
371 views
2020年10月19日 星期一今日好突然咁約左兩位舊同事一齊食飯，話想傾吓大家嘅近況，所以就同埋老婆一共四個人去咗旺角食飯今次揀嘅呢一間餐廳貪佢有中日韓放題，差唔多咩類別嘅食物都有，價錢仲要唔太貴添，任飲任食最啱我，因為唔需要留意價錢，想食乜都得火鍋方面有好多湯底可以選擇，有啲仲要之前未見過，例如崩沙牛腩煲、銀杏白肺煲、姬茸節瓜煲等等，最後我哋要咗濃湯花膠海鮮煲，感覺好似好矜貴咁湯底嚟到嘅時候真係嚇咗一跳，裏面竟然有四舊大花膠，充滿骨膠原，而且海鮮嘅份量都唔少，有好多蜆同海蝦，令到湯底充滿鮮味火鍋可以選擇嘅配料都唔少，餐廳仲好貼心提供埋素食類別，俾素食人士更加容易選擇配料，特別留意到有某啲配料嘅名稱好有趣，包括一試難忘魚皮餃、忘不了年糕、自己滿意墨魚丸，成功吸引咗我哋點餐食物好快就送到，大部份都好新鮮，首先美國雪花肥牛油脂分布好平均，淥一淥已經熟晒，唔會太靭至於安格斯牛柳粒就充滿牛肉味，夠晒有咬口，而墨魚丸真係同佢改嘅名稱一樣令到我哋十分滿意，因為好彈牙而且充滿墨魚味另外我哋仲有點一分鐘魚片、炸響鈴同金菇，每一塊魚片雖然幾大塊，不過真係淥一分鐘左右已經好熟，變晒色，魚肉唔會過硬，肉質仍
今日好突然咁約左兩位舊同事一齊食飯，話想傾吓大家嘅近況，所以就同埋老婆一共四個人去咗旺角食飯
今次揀嘅呢一間餐廳貪佢有中日韓放題，差唔多咩類別嘅食物都有，價錢仲要唔太貴添，任飲任食最啱我，因為唔需要留意價錢，想食乜都得
火鍋方面有好多湯底可以選擇，有啲仲要之前未見過，例如崩沙牛腩煲、銀杏白肺煲、姬茸節瓜煲等等，最後我哋要咗濃湯花膠海鮮煲，感覺好似好矜貴咁
湯底嚟到嘅時候真係嚇咗一跳，裏面竟然有四舊大花膠，充滿骨膠原，而且海鮮嘅份量都唔少，有好多蜆同海蝦，令到湯底充滿鮮味
火鍋可以選擇嘅配料都唔少，餐廳仲好貼心提供埋素食類別，俾素食人士更加容易選擇配料，特別留意到有某啲配料嘅名稱好有趣，包括一試難忘魚皮餃、忘不了年糕、自己滿意墨魚丸，成功吸引咗我哋點餐
食物好快就送到，大部份都好新鮮，首先美國雪花肥牛油脂分布好平均，淥一淥已經熟晒，唔會太靭
至於安格斯牛柳粒就充滿牛肉味，夠晒有咬口，而墨魚丸真係同佢改嘅名稱一樣令到我哋十分滿意，因為好彈牙而且充滿墨魚味
另外我哋仲有點一分鐘魚片、炸響鈴同金菇，每一塊魚片雖然幾大塊，不過真係淥一分鐘左右已經好熟，變晒色，魚肉唔會過硬，肉質仍然保持嫩滑
炸響鈴放落火鍋一兩秒即刻拎上嚟，既可以吸收湯底嘅鮮味，又不失炸響鈴本身嘅香脆，我哋即時encore要多一份
至於日式放題當然唔少得有刺身，每一款刺身都好新鮮，而且切得好大件，擺盆仲好靚添，啱晒用嚟打卡
三文魚厚切之餘仲入口即融，帆立貝都好大隻
至於炸物方面，我哋每樣都叫咗少少嚟食，當中有一款幾特別，就係魚肉油炸鬼，每一舊油炸鬼上面都有一舊魚肉，既食到油炸鬼嘅香脆，又食到魚嘅味道
仲有多春魚天婦羅同魷魚天婦羅，魷魚仍然好彈牙，多春魚裏面有好多魚春，脆卜卜
最後仲有韓國燒烤嘅點餐紙，不過由於之前已經食咗火鍋同日式放題，實在已經好飽，希望下一次嚟嘅時候有機會嘗試韓國燒烤
Post
