Video
Read full review
2018-04-14
35 views
今日同朋友去咗銅鑼灣嗰度打邊爐然，後去咗呢一間來一鍋，見到上網啲評價唔錯，我哋揀咗晚市海鮮火鍋套餐，套餐可以任飲汽水之餘，仲任飲白酒，紅酒同啤酒，認真吾錯㗎！套餐已經包括左好多唔同種類嘅海鮮之餘，然後再睇吓餐牌，發覺都有幾多出面食唔到嘅火鍋配料！例係有手工嘅水餃同埋雲吞之外，仲有手工豬肉釀鮮冬菇，手工流心牛肉芝士丸！先來嘅係前菜，可以揀四川麻辣木耳或者係手拍青瓜，而我哋就揀咗木耳，辣辣地酸酸地好開胃！之後就到重頭劇海鮮啊，海鮮方面有大蝦，貴妃蚌，象拔蚌，生蠔，扇貝，青口仲有鮑魚添！唔好講笑，食晒啲海鮮都有成四成飽㗎啦！當然唔少得食海鮮嘅時候，要配合白酒飲下啦！白酒屬中等濃郁，而其酸度則使口感更加清爽！不過我本人都係比較喜歡飲佢哋嘅手工啤，係一款立陶宛嘅淡啤酒，啤酒雖然有少許苦澀，但口感吾錯，仲有少許果香，味道清新。至於紅酒方面，我就興趣不大，不過我有問過員工係咩紅酒，佢地都好樂意咁拎出嚟俾我睇，仲同我講解，服務真係好貼身好有人情味！除咗海鮮之外，食物方面仲有唔同嘅手工丸，同埋水餃雲吞！ 如果仲未飽嘅話其他火鍋配料都可以任叫任食㗎！重視嘅健康嘅我當然叫多幾款菜嚟食吓啦，蔬菜睇得出都幾新鮮
先來嘅係前菜，可以揀四川麻辣木耳或者係手拍青瓜，而我哋就揀咗木耳，辣辣地酸酸地好開胃！之後就到重頭劇海鮮啊，海鮮方面有大蝦，貴妃蚌，象拔蚌，生蠔，扇貝，青口仲有鮑魚添！
唔好講笑，食晒啲海鮮都有成四成飽㗎啦！當然唔少得食海鮮嘅時候，要配合白酒飲下啦！白酒屬中等濃郁，而其酸度則使口感更加清爽！
不過我本人都係比較喜歡飲佢哋嘅手工啤，係一款立陶宛嘅淡啤酒，啤酒雖然有少許苦澀，但口感吾錯，仲有少許果香，味道清新。
至於紅酒方面，我就興趣不大，不過我有問過員工係咩紅酒，佢地都好樂意咁拎出嚟俾我睇，仲同我講解，服務真係好貼身好有人情味！
除咗海鮮之外，食物方面仲有唔同嘅手工丸，同埋水餃雲吞！
如果仲未飽嘅話其他火鍋配料都可以任叫任食㗎！
重視嘅健康嘅我當然叫多幾款菜嚟食吓啦，蔬菜睇得出都幾新鮮乾淨，而菇類都有唔同選擇，好適合我！除此之外仲有甜品食添，個心太軟一啲都唔差，為呢餐飯畫上一個美好嘅句號！
整體來講，嘢食質素唔錯而且服務都幾好，唯一美中不足就係佢嘅sofa唔算坐得舒服,而且燈光對我來講都略為偏暗！
Post
