Video
Read full review
2016-12-27
3516 views
我同老婆仔都十分熱愛食吞拿魚刺身，但係香港食吞拿魚刺身都吾平，雖然自助餐或放題可以任食，但係質素吾高，亦無得選擇不同部位; 去好少少的日式店食幾片拖羅已經要百幾二百蚊。 最近朋友介紹有間新開日式店每人只要$800就可以任食即劏吞拿魚所有部位，仲要係日本直送，更有十多款熟食配搭，真係諗都吾諗，即刻訂位。呢間系荔枝角新開的日式餐廳表面上同其他普通日式餐廳無乜分別，供應不同日式美食如壽司刺身炸物小食等等。佢仲會不定時從日本訂購不同新鮮原條魚，然後在網上號召一班愛好者包場享用，人數就視乎魚的種類及大小而等，今次店長訂了黃鰭吞拿魚，約30人。如果你的人數足夠，亦都可以主動聯絡餐廳訂魚同包場，十分方便。當晚七點到達餐廳，已經見到一條岩岩"落機"黃鰭吞拿魚放在店中央，成條魚超過一米長，其間可以同吞拿魚合照。其後師傅即場表現劏魚，吾使十分鐘已經起肉完畢，再過吾使十分鐘，一碟吞拿魚刺身就上枱了。一次過上晒赤身，中拖羅同大拖羅三款刺身，可以清楚試到三種部位的分別，每片刺身仲要厚切，大大塊超滋味！ 刺身的質素當然新鮮，赤身魚鮮味重，充分感受到吞拿魚的香味 ; 大拖羅的口味十分幼滑，就似入口即溶的感覺，魚脂香
呢間系荔枝角新開的日式餐廳表面上同其他普通日式餐廳無乜分別，供應不同日式美食如壽司刺身炸物小食等等。佢仲會不定時從日本訂購不同新鮮原條魚，然後在網上號召一班愛好者包場享用，人數就視乎魚的種類及大小而等，今次店長訂了黃鰭吞拿魚，約30人。如果你的人數足夠，亦都可以主動聯絡餐廳訂魚同包場，十分方便。
當晚七點到達餐廳，已經見到一條岩岩"落機"黃鰭吞拿魚放在店中央，成條魚超過一米長，其間可以同吞拿魚合照。其後師傅即場表現劏魚，吾使十分鐘已經起肉完畢，再過吾使十分鐘，一碟吞拿魚刺身就上枱了。
一次過上晒赤身，中拖羅同大拖羅三款刺身，可以清楚試到三種部位的分別，每片刺身仲要厚切，大大塊超滋味！ 刺身的質素當然新鮮，赤身魚鮮味重，充分感受到吞拿魚的香味 ; 大拖羅的口味十分幼滑，就似入口即溶的感覺，魚脂香味沾滿整個口腔。我就比較喜歡中拖羅，集魚鮮味同油香味於一身，有赤身的口感又有大拖羅的幼滑，無得彈！最緊要的係咁好味的刺身竟然可以不停添食~~不過有點可惜的係由於需求大同制作需時， 每次添食都需要等少少時間，而且一條魚的拖羅部位較少，供應完就無了。
食到咁上下，開始端上其他美食， 首先有即開日本生蠔，牡丹蝦刺身及活赤貝刺身。 食材同樣生鮮，生蠔夠肥美， 牡丹蝦夠鮮甜，活赤貝十分爽口。接下來有熟食，包括新鮮無花果配芒果水菜沙律，鹽燒頂級牛小排，招牌名古屋雞翼，醬油茄子，厚燒牛舌， 燒菠蘿，吞拿魚火鍋，油揚湯稻庭烏冬，每款食物都好有水準。
厚燒牛舌燒得夠香口，咬落爽口。
招牌名古屋外皮脆卜卜，肉質嫩，味道甜中帶辣，勁惹味。
吞拿魚火鍋十分足料，有吞拿魚頭，吞拿魚骨，豆腐，冬菇，菜，芋絲，湯底十分清甜。
鹽燒頂級牛小排，肉身無太多的醃料，簡簡單單的品嚐到牛香味，燒的時間亦岩岩好，肉中間仍然係鮮紅色。今餐相當滿足，完完全全的食吞拿魚食到飽。除左全場的焦點吞拿魚，熟食亦相當吾錯，希望有機會再試多次。
Post
