滿屋日本料理 (大埔超級城C區)

Open Now

Now Closed

每月一放題好似miss咗一個月，呢日我得閒朋友又得閒，咁就約咗一齊食放題。天氣有少少凍，咁就嗌咗一窩海鮮粥暖個胃先，yummy ，有蝦，有魷魚，仲有啲淡菜😁暖肚之後，就係魚生大挑戰，三文魚，油甘魚，赤貝，北寄貝，象拔蚌，赤蝦，甜蝦，希靈魚，八爪魚，酒煮榮螺片，最驚喜係有泰式鮑魚刺身，呢個係另上嘅，因為個泰式sauce，酸酸甜甜好泰式，好惹味👍仲有任嗌嘅燒榴槤，凍榴槤，對於榴槤迷來講一定係好事，連我呢個不嬲唔食榴槤嘅都叫咗2轉🤭🤭而燒菠蘿就每次必叫，今次都唔例外，勁juice吖。“拖羅蓉魚子醬带子杯”亦嗌咗2次，好睇好食，除此之外，仲有海膽手卷，西京比目魚，蒲燒鰻魚，蒜蓉燒生蠔，御品鮑汁燴花膠，秋葵天婦羅，和虎蝦天婦羅，還有中式食品乳鴿和麻辣小龍蝦，實在very good。