Video
Read full review
2023-11-06
124 views
🐟120分鐘烤魚火鍋放題 $298首先可以喺menu 揀烤魚或者雞煲🐔食咗先，因為打邊爐都有成盤牛食，所以揀咗個香辣鮮茄味嘅烤魚，個湯底要咗中辣都唔會太辣🌶加埋蕃茄嘅酸酸甜甜唔會越煲越辣🍅條魚好大條，先炸過過再煲魚皮更香，魚肉比較厚實啖啖肉，冇乜骨，唔識食魚嘅叫都實冇問題👍🏻 湯底可以食完烤魚轉其他，例如鮮茄薯仔清湯鍋香茜皮蛋鍋，粟米豬軟骨鍋咁🍲但由於個湯底好好味，我連湯底都冇換就直接加湯打邊爐😆🐃牛肉拼盤一坐低就送牛肉拼盤，有牛肩嫩肉/封門柳/牛舌/牛板腱🐮賣相擺盤已經望到質素唔錯，啲油花分佈得好平均🤤顏色新鮮，牛板腱同牛舌會比較嫩，牛肩肉嘅牛味重，封門柳就會比較有咬口，整體成碟牛食完已經覺得抵番晒😆🦐刺身併盤少有嘅任食刺身$298都包埋，雖然唔會太多款但樣樣都幾新鮮，三文魚墨魚甜蝦都夠鮮甜🍢串燒併盤試咗燒豬頸肉串，燒雞翼，燒雞肉串，豬頸肉🐖好大串夠嫩一啲都唔韌，燒雞翼皮香肉滑，反而雞肉串就會乾咗少少🤏🏻 不過串燒個調味做得好好，甜甜地孜然味，小朋友都會鍾意🧆小食另外仲有啲小食可以任叫，因為都已經好飽，淨係試咗兩款皮蛋同炸饅頭，饅頭係新鮮炸熱辣辣起，皮蛋味香完全冇阿摩尼亞味🍺飲品出面
首先可以喺menu 揀烤魚或者雞煲🐔食咗先，因為打邊爐都有成盤牛食，所以揀咗個香辣鮮茄味嘅烤魚，個湯底要咗中辣都唔會太辣🌶加埋蕃茄嘅酸酸甜甜唔會越煲越辣🍅條魚好大條，先炸過過再煲魚皮更香，魚肉比較厚實啖啖肉，冇乜骨，唔識食魚嘅叫都實冇問題👍🏻 湯底可以食完烤魚轉其他，例如鮮茄薯仔清湯鍋香茜皮蛋鍋，粟米豬軟骨鍋咁🍲但由於個湯底好好味，我連湯底都冇換就直接加湯打邊爐😆
🐃牛肉拼盤
一坐低就送牛肉拼盤，有牛肩嫩肉/封門柳/牛舌/牛板腱🐮賣相擺盤已經望到質素唔錯，啲油花分佈得好平均🤤顏色新鮮，牛板腱同牛舌會比較嫩，牛肩肉嘅牛味重，封門柳就會比較有咬口，整體成碟牛食完已經覺得抵番晒😆
🦐刺身併盤
少有嘅任食刺身$298都包埋，雖然唔會太多款但樣樣都幾新鮮，三文魚墨魚甜蝦都夠鮮甜
🍢串燒併盤
試咗燒豬頸肉串，燒雞翼，燒雞肉串，豬頸肉🐖好大串夠嫩一啲都唔韌，燒雞翼皮香肉滑，反而雞肉串就會乾咗少少🤏🏻 不過串燒個調味做得好好，甜甜地孜然味，小朋友都會鍾意
🧆小食
另外仲有啲小食可以任叫，因為都已經好飽，淨係試咗兩款皮蛋同炸饅頭，饅頭係新鮮炸熱辣辣起，皮蛋味香完全冇阿摩尼亞味
🍺飲品
出面有個雪櫃全部飲品任飲，一般嘅汽水，茶飲，紙包野飲都有，啤酒仲Carlsberg同Heineken揀😳
Post
