神燈燒 (Closed)

今日去了旺角神燈燒食下午茶放題，朋友話有幾個level，當然Level越高食嘅嘢就越多啦，不過朋友話我瘦咗，就梗係食個貴啲嘅level3 補充一下營養。每人每樣一客的西班牙黑毛豬五花肉，肉質好林，首先讓五花肉的豬油滲入底盤，之後燒其他肉就冇咁乾身，西班牙保濕黑毛豬安扒即刻第一時間燒嚟食，豬肉要燒一陣，呢個時候就可以叫嘢食啦！食level 3當然係食美國安格斯牛，因為怕眼闊肚窄，首先食咗啲貴嘅先，個肚有空位再食其他嘢，安格斯牛有四款，牛頸肩、封門柳、一口牛粒、牛板腱，第一下燒牛肉燒得太長時間了，第二次就醒目啦，一放落去轉頭就攞起，肉質嫩滑即刻覺得好滿足！除咗食牛，刺身都係必叫，刺身除咗就咁食之外，亦都可以燒一下，都係好正，食放題就可以咁樣食，平時叫刺身就唔會捨得燒🤣飲品除了自取罐裝飲品外，有一些冰可以點，但見隔籬枱叫咗一杯超級大杯，怕自己飲水都飽，就叫咗啤酒同罐烏龍茶。