稻香 (新都城中心) (Closed)

稻香夜晚8:30就會開始任食火鍋，$138一位。睇佢既poster都幾吸引，海鮮又有海蝦、有廣島蠔、又話有蜆。睇落都覺得抵食！好快就拎到位啦，佢晚市火鍋唔算多人食可能因為係星期二，我哋三個大人一個BB佢都比到張六人枱我哋。揀完湯底就出去自助bar拎嘢飲加配料同埋拎菜。佢嘅飲有勁多選擇啤酒汽水豆漿仲有熱嘅維他奶。自己任拎出前一丁同埋烏冬。除咗依兩樣佢喺蔬菜嗰度仲有粉絲同埋薯粉。佢仲有糖水可以自己拎黎飲。又有一啲小食。總括嚟講嘢食選擇都算好多，服務就一般啦一般酒樓水準。