蚊蚊豬老火鍋 (Closed)

天氣咁凍就梗係打過邊爐啦 去到深水埗嘅呢間蚊蚊豬老火鍋 餐廳比起太子店闊落勁多 而且仲好光猛 座位坐得非常舒服竟然仲有冬天限定嘅支竹羊腩煲 雖然唔係任食 但份量一啲都唔細 羊腩炆得又淋又入味 入面仲有唔少馬蹄 支竹 筍等等嘅配料 同散嗌冇分別刺身同樣係大堆頭 入面已經有三文魚 鮑片 魷魚 象拔蚌等等 全部都幾新鮮食完羊腩煲就可以揀另外一個湯底打邊爐啦 我哋就揀咗蟲草花雞煲入面嘅雞肉都幾多 而且幾嫩滑重點推介必食嘅手切牛頸脊同手切安格斯牛板腱 睇相都知肉質紅潤肥瘦均勻啦 食落肉質軟腍而且牛肉味濃郁 呢個質素仲要係任食超抵呀食飽飽仲有意大利杯裝雪糕 味道有驚喜