Video
Read full review
2023-11-22
1671 views
口痕痕想任性任食，又唔一定要酒店buffet或放題嘅，semi buffet都滿足到我哋嘅。尖沙咀山林道，行入少少嘅銀座，其實都有間幾抵玩抵食嘅餐廳，主打泰國x西餐，仲可以任食沙律吧。晚市menu有得揀3 至5 courses，4course 都係438，有前菜 餐湯 主菜同自助沙律吧。✨俾沙律吧吸引住，麻雀雖小五藏俱全，簡單嘅松葉蟹腳已經好吸引咗我，旁邊仲有一大堆cheese任你切，另外仲有啲ham，煙三文魚，另外仲有一大堆菜同沙律俾你揀。唔太貪心嘅我，都幾滿足。雖然係任食，但係質素都幾唔錯，蟹腳唔會死鹹，人流唔算好多，基本上拎嘢食都唔使排隊同人爭。🥃是日餐湯南瓜湯，餐廳一貫嘅水準非常濃厚，另外仲配蒜蓉包，麵包烘脆，見到細心度。🥃前菜泰西生蝦紅咖喱軟殼蟹配酥餅 作為fusion餐廳，泰式生蝦都加咗西餐元素，除咗泰式蝦之外仲有赤蝦，份量就唔算多，一人一隻就啱啱好。另外咖喱味都重，酥餅份量都好多😆食完沙律都開始好飽。🥃香煎加拿大豬鞍配黑莓醋汁🥃特色片皮鴨手工pizza 主菜都有九款選擇，咩都有得揀，專登揀咗兩款，平時好少會揀嘅。豬嘅味道唔錯，唔會太瘦變咗柴枝，另外加咗少少醋汁減輕油膩感覺
口痕痕想任性任食，又唔一定要酒店buffet或放題嘅，semi buffet都滿足到我哋嘅。
尖沙咀山林道，行入少少嘅銀座，其實都有間幾抵玩抵食嘅餐廳，主打泰國x西餐，仲可以任食沙律吧。
晚市menu有得揀3 至5 courses，4course 都係438，有前菜 餐湯 主菜同自助沙律吧。
✨俾沙律吧吸引住，麻雀雖小五藏俱全，簡單嘅松葉蟹腳已經好吸引咗我，旁邊仲有一大堆cheese任你切，另外仲有啲ham，煙三文魚，另外仲有一大堆菜同沙律俾你揀。唔太貪心嘅我，都幾滿足。
雖然係任食，但係質素都幾唔錯，蟹腳唔會死鹹，人流唔算好多，基本上拎嘢食都唔使排隊同人爭。
🥃是日餐湯
南瓜湯，餐廳一貫嘅水準非常濃厚，另外仲配蒜蓉包，麵包烘脆，見到細心度。
🥃前菜
泰西生蝦
紅咖喱軟殼蟹配酥餅
作為fusion餐廳，泰式生蝦都加咗西餐元素，除咗泰式蝦之外仲有赤蝦，份量就唔算多，一人一隻就啱啱好。另外咖喱味都重，酥餅份量都好多😆食完沙律都開始好飽。
🥃香煎加拿大豬鞍配黑莓醋汁
🥃特色片皮鴨手工pizza
主菜都有九款選擇，咩都有得揀，專登揀咗兩款，平時好少會揀嘅。豬嘅味道唔錯，唔會太瘦變咗柴枝，另外加咗少少醋汁減輕油膩感覺。
超得意嘅片皮鴨Pizza，就好似食緊片皮鴨咁，pizza餅底又唔會太厚，烘得香脆，不過兩個人真係食唔晒😆
基本上嚟講，三個course都好夠，如果有得揀甜品course 就好啦，整體來講如果幾個女仔想食多啲款，但係又食唔晒咁多嘢，呢度都係唔錯嘅選擇。
Post
