大瀛喜日本料理 (Closed)

今日約咗朋友去旺角，行到攰攰地要搵嘢食，朋友想搵間坐得舒舒服服，我哋就搵咗大瀛喜日本料理，貪佢任飲任食，坐足120分鐘，食飯吹水一流，喺朗豪坊隔離，好方便咁啱朋友係榴槤愛好者，呢度做緊榴槤系列任食，啱晒榴槤王、榴槤炸彈：朋友見到，二話不說，即時點嚟試吓，雖然我唔好，但見到朋友食得咁滋味，咁我食其他嘢陪吓佢啦清蒸原隻生蠔：生蠔可能大家食得多，呢度提供嘅係原隻即蒸生蠔，打開後有清新嘅海水味，配合埋呢度任飲嘅清酒，真係一流壽喜燒牛肉鍋：超級足料，牛肉嫩滑，好有口感，仲要係任點，值回票價，必食之選北海道牛乳海鮮鍋：本身好鍾意食清酒煮蜆，雖然呢度冇，但佢有個更出色嘅北海道牛乳海鮮鍋，忍唔住自己叫返兩個嚟食先，湯底超正，又足料炸吉列蠔：除咗清蒸，蠔仲有第二種食法，就係吉列炸蠔，佢哋嘅炸物非常出色，配合埋冰凍啤酒，一絕當然唔少得仲有自助吧，甜品飲品都係任飲任食，真係大滿足