點鍋

Open Now

Now Closed

啱啱過咗嘅新年去咗韓國旅行，又到派手信嘅時候喇😆今日約咗朋友陪佢去兆萬中心買嘢，搭扶手電梯嘅時候見到*點鍋*好似幾吸引就決定入黎打邊爐🖐🏻酸菜白肉鍋:酸度柔和，有啲似鹹酸菜胡椒豬肚湯飲落好暖胃😊海鮮拼盤(送一碟):海鮮都幾新鮮，有蝦、魚、帶子同蜆，帶子厚肉，蜆肉鮮甜無沙✌🏻頂級牛頸脊(送一碟):脂肪分布均勻，肉質好腍滑，牛味同油香都濃郁❤金沙鹹蛋炸魚皮:鹹蛋附喺魚皮表面但鹹蛋味唔太重，不過勝在新鮮炸起，熱辣辣嘅時候食真係好好食😍避風塘炸鮮魚皮:相比之下一般，我地都覺得金沙鹹蛋好食啲😂即炸手工紫菜嚮鈴卷:同平時食開嘅響鈴差唔多，不過捲埋紫菜一齊炸，多咗紫菜嘅香脆，增加左層次感👍🏻蟹子墨魚滑:蟹子唔太多但墨魚滑爽口彈牙👌🏻滑牛片:有牛肉嘅鮮甜又夠軟滑，煮耐啲都唔會靭❤❤黑松露蝦蟹餃&芝士紫菜蝦蟹餃:餡料味道幾好但略嫌餃子皮太厚😅鮮腐竹質感軟滑，同湯底好夾👍🏻👍🏻我地仲叫左黑毛豬腩片，肥牛片，龍蝦沙律丸，芝士墨魚丸，炸午餐肉，油麥菜，波菜，渦荀片，金針菇，栗米，百福豆腐😆全部味道都唔錯，最後淥埋半份紅薯粉吸收哂湯嘅精華😋餐廳食物選擇多，用平板電腦點菜方便又環保而且完全沒有漏單👍🏻