九重鮮 (Closed)

我哋今日坐咗卡位，張枱夠晒大擺晒我哋嘅嘢食，張凳都坐得幾舒服。一入座，店員會先上海鮮部份，包括兩隻扇貝、一隻龍蝦同兩隻鮑魚。店員有預先同我哋講啲食物要煮幾耐，等我哋可以好好控制時間，唔會令到啲海鮮越煮越韌！扇貝好新鮮，size正常，仲有我最鍾意嘅粉絲添！龍蝦大大隻，肉質鮮嫩、彈牙，仲有好多膏。店員仲會將龍蝦鉗揼碎，方便我哋食入邊啲肉。鮑魚好新鮮，上枱嗰陣仲識郁，大大隻，洗得乾淨，唔韌。本來餐廳仲提供任食蠔，但因為今日到唔切貨，所以就每人限食五隻。雖然我冇食到🤣，但啲蠔睇落好新鮮，又大！為咗補償冇得任食生蠔，餐廳提供左任食青口。啲青口都好大，好新鮮，仲有啲毛添！其餘我哋仲食咗蜆、蝦，都好鮮甜！除咗海鮮，餐廳仲有好多串燒同烤肉選擇，全部都係任食架，等我抽幾樣介紹啦！京蔥牛肉卷串：蔥同牛肉嘅配搭非常好，一咬落去蔥嘅香味爆發晒出嚟。海鹽翠玉瓜：依個有驚喜，啲翠玉瓜燒完之後淋淋地，加埋上面嘅醬汁，都幾正。日式燒豬頸肉串：豬頸肉切都幾厚，質感唔錯，上面仲沾滿蜜糖汁。汁燒七味雞軟骨串：一串會有六粒雞軟骨，口感好脆，有啲仲有連住雞皮，油脂感爆發，正。烤韓式雞肉：雞肉大大塊，又滑，又juicy，配埋啲醬