味火鍋 (雅仕洋樓)

🉐食物質素高🉐服務殷勤1️⃣第一部曲 - 自選頭盤 (芝士焗波士頓龍蝦/ 四川辣雞煲/ 芝士焗美國生蠔/ 老壇酸​菜魚)4款入面揀左〈芝士焗波士頓龍蝦〉🦞，係任食火鍋餐廳入面少見，龍蝦啖啖肉，非常厚肉，加埋大量芝士🧀焗，非常之香，見到好多枱都係揀龍蝦，果然有保證!2️⃣第二部曲 - 自選湯底10款湯底可以選擇，令人花多眼亂，其中八款可以鴛鴦鍋，所以最後決定試〈日式豆乳海鮮鍋〉🍲拼〈四川麻辣鴨血鍋〉🌶️，一邊辣一邊唔辣，雙重滋味，豆乳鍋有好濃既豆味，就好似鹹味既腐竹糖水咁🤣，推介!!!3️⃣第三部曲 - 精選時令海鮮拼盤 + 美國安格斯牛肉拼盤 + 蔬菜拼盤〈精選時令海鮮拼盤〉🐙🦐🦪包括有蟶子皇、花甲、新鮮龍躉片、海蝦、鮑魚、廣島蠔、手打丸等等；最驚喜既係海鮮真係好新鮮，尤其鮑魚好生猛，正宗活海鮮!〈美國安格斯牛肉拼盤〉🐮🥓包括4款牛肉，分別係手切牛小排、牛肩胛、封門柳、牛板鍵，牛肉質素好高👍🏻4️⃣第四部曲 - 任食配料🍥🥟🍢精選火鍋配料選擇都唔少，有好多款既特色丸類同手工製水餃，亦都唔少得蔬菜同麵食等；任飲選擇非常多，樽裝汽水夠哂氣!🥤🧃