HIPOT (Closed)

今日一行5人唔知食乜好，見好耐冇吃火鍋就上openrice睇睇有乜好食。見到呢間嘢任食百零蚊，就打去訂位。七點半準時到，點知要到八點幾先有位。先講下個環境，地方算大，我哋張枱啱啱喺放食物旁邊，即刻睇下有乜吃。原來肉類要寫紙仔，叫咗美國肥牛，黑豚肉片同五花腩片，仲有海鮮同魚生。出去先攞啲醬同湯底，都ok多選擇。到食物，可以自己攞嘅有菜，面，丸，雞肉，同飲品。第一轉攞咗好多嘢。啲菜睇上去都幾乾淨。好，坐低咗15分鐘之前叫嘅肉只嚟咗一碟牛肉，肉質ok但冇肉味。之後on and off出去攞菜同啲支竹，豆腐。都未見其他肉出現過。再入單又唔嚟。叫人催又冇用。食咗個幾鐘就係食可以自己欏嘅嘢。點知到大家都有八分飽之制。侍應小姐一嚟十幾碟肉。唉，原本諗住佢唔嚟所以食多啲其他嘢，到最後浪費咗唔小食物。簡單啲講，呢間餐廳嘅食物ok，不過人手分配真係要做好啲。