Video
Read full review
2022-09-04
97 views
朋友帶咗我去旺角食晏，但位置唔係鬧市中心🤔，而係喺長沙街嘅「直燒和牛商店」。基本上普通行街未必會經過，但餐廳人氣頗高的，要排隊入座，你就知佢乜料啦。原來餐廳係食石燒牛🔥，起初不抱太大期望，因為好似度度都差唔多，不過食完就發現大有驚喜。菜式選擇唔多，但佢唔係問你要幾多克、求其切一大嚿肉畀你自己燒嗰種，而係經已切好一片片，方便拎去燒。肉本身嘅價錢唔算貴，午市/晚市加$28/$38就可以變成豐富嘅定食，就如圖片中一樣繽紛😍。餐枱唔大張，不過啱啱好夠擺晒啲嘢。石燒火候都算唔差，但面積較細，要慢慢燒。吉列牛脷($98)，呢個係小店嘅名物🌟，每枱都有嗌，我相信其中一個主要原因係任食！話就話任食♾，但第一碟上嘅時候已經好震撼，繞圈排足足有成25件，仲要講緊唔係好薄、好細塊。如果仲能Encore的話，我讚你叻🤣。牛脷處理得好出色🐮👅，首先佢厚薄適中，質感一啲都唔韌，但又唔會太稔。第二，吉列皮緊貼牛脷，燒完之後口感脆卜卜，唔會成口粉，亦唔油膩。最後，吱少少檸檬汁同沾醬汁食就完美！手切鹿兒島黑毛和牛($158/120g)，🥩佢呢個堅係和牛，唔係得個名，食落油份充足，從肉身睇亦見到好靚嘅脂肪紋理。店員拎出嚟
朋友帶咗我去旺角食晏，但位置唔係鬧市中心🤔，而係喺長沙街嘅「直燒和牛商店」。基本上普通行街未必會經過，但餐廳人氣頗高的，要排隊入座，你就知佢乜料啦。
原來餐廳係食石燒牛🔥，起初不抱太大期望，因為好似度度都差唔多，不過食完就發現大有驚喜。菜式選擇唔多，但佢唔係問你要幾多克、求其切一大嚿肉畀你自己燒嗰種，而係經已切好一片片，方便拎去燒。
肉本身嘅價錢唔算貴，午市/晚市加$28/$38就可以變成豐富嘅定食，就如圖片中一樣繽紛😍。餐枱唔大張，不過啱啱好夠擺晒啲嘢。石燒火候都算唔差，但面積較細，要慢慢燒。
吉列牛脷
$98
11 views
0 likes
0 comments
牛脷處理得好出色🐮👅，首先佢厚薄適中，質感一啲都唔韌，但又唔會太稔。第二，吉列皮緊貼牛脷，燒完之後口感脆卜卜，唔會成口粉，亦唔油膩。最後，吱少少檸檬汁同沾醬汁食就完美！
手切鹿兒島黑毛和牛
$158
8 views
0 likes
0 comments
手切鹿兒島黑毛和牛($158/120g)，🥩佢呢個堅係和牛，唔係得個名，食落油份充足，從肉身睇亦見到好靚嘅脂肪紋理。店員拎出嚟時，牛肉已經溶咗雪，唔會硬邦邦，再輕輕灑啲鹽粒，就能突顯牛味。一客和牛約有十片，厚度剛好，就算男仔食都夠有突😋。
我哋見小食價錢唔貴，所以就嗌咗份唐揚雞髀($38/9件)。🍗炸雞份量同樣嚇人，用湯碗上，我都無細數幾多件，總之就好多，性價比高。炸雞皮脆，雞肉唔算好嫩，但都唔嚡，建議沾伴旁嘅黑松露汁食🍄。
紫菜月見飯
5 views
0 likes
0 comments
水牛芝士沙律配柚子醋
8 views
0 likes
0 comments
泠泡白桃烏龍茶唔使額外加錢，大大枝以樽裝上。🍵烏龍茶清香，滲出微微白桃味，最緊要係無糖，清熱氣啱晒。
總括嚟講，直燒和牛商店嘅食物質素優秀，絕對係意料之外。我敢講佢係我食過最好食嘅石燒牛店💯，沒有之一，無論吉列牛舌定和牛都好好食，份量又多！唯一挑剔嘅地方就係環境麻麻哋，冷氣唔太夠，不過女店員好好人，見我哋大汗踏細汗，就將風機嘅出風口轉向我哋。朋友唔食紫菜，佢又樂意幫忙分開上，服務態度專業，抵讚👍。
Post
