斗滾 (適安大廈)

Open Now

Now Closed

最近天氣轉涼，又係時候打邊爐。朋友訂咗呢間新開任食火鍋店，好彩有訂位，平日都爆晒棚，無限時任食火鍋每位只需$268，仲有得任食手切牛頸脊，難怪咁多人捧場。先上雞煲，小辣辣度剛好，香而不辣，雞肉幾滑，一啲雪味都無。食完雞煲就食蒸海鮮拼盤，有龍躉、鮑魚、花蜆、扇貝、蟶子、海蝦，全部都好鮮甜，蒜香唔會蓋過原本鮮味。跟住就開始打邊爐，湯底係淮山蟲草花燉烏雞，啖啖都係精華，飲完湯就出去拎配料，推介墨魚滑同黑椒牛丸，彈牙多汁。菜都好新鮮。除咗配料，當然唔少得主角手切牛頸脊，牛味濃郁又夠腍，食咗好幾碟。打完邊爐食返碗椰汁雪燕，充滿椰香，又甜又潤。