Video
Read full review
2024-05-02
58 views
呢間台式火鍋店放題，長期都人氣爆棚，任食品項選擇多，特別係甜品嗰part，有窩夫、刨冰同自家製豆腐花，仲有好多款台式飲品，完全啱晒鍾意食甜品嘅朋友仔！餐廳座位之間幾闊落，喺櫻花樹🌸下面烚吓烚吓，都幾浪漫🤪，快啲約埋朋友一齊嚟試試佢！------------------------------🐂◖澳洲M7套餐◗ $308120分鐘任食台式火鍋，每個套餐任食部份大致都一樣，只係主打嘅肉類有少少唔同，今次揀咗個中間價位，主打澳洲M7牛胸腹、卡樂Beef同牛板腱，性價比超高！/肉類🍖澳洲M7牛胸腹｜澳洲250日穀飼卡樂Beef｜精選牛板腱｜西班牙粟飼豬梅片｜日本鹿兒島茶美豚梅片｜羊肉卷一坐低三款牛都會上咗先，每隻都好食各有特色！牛板腱油脂比較少，肉感比較重；卡樂Beef肉質軟腍，油邊相對上會多少，油脂豐富；牛胸腹肉質比較實，肉味最濃郁！/火鍋配料🥟有多款配料喺出面自助區自己拎，主要都係蔬菜同丸類。推薦佢個芋泥貢丸同麻吉燒，芋泥貢丸彈牙，裏面嘅芋泥餡好軟綿；麻吉燒好似湯圓咁，口感比較實淨，都好食！/台式小食🍤紹興醉雞｜夜市甜不辣｜鹽酥雞｜澎湖花枝丸｜台灣香腸｜宜蘭蔥肉餅｜台南府城蝦捲｜榴槤炸彈｜
------------------------------
🐂◖澳洲M7套餐◗ $308
120分鐘任食台式火鍋，每個套餐任食部份大致都一樣，只係主打嘅肉類有少少唔同，今次揀咗個中間價位，主打澳洲M7牛胸腹、卡樂Beef同牛板腱，性價比超高！
/肉類🍖
澳洲M7牛胸腹｜澳洲250日穀飼卡樂Beef｜精選牛板腱｜西班牙粟飼豬梅片｜日本鹿兒島茶美豚梅片｜羊肉卷
一坐低三款牛都會上咗先，每隻都好食各有特色！牛板腱油脂比較少，肉感比較重；卡樂Beef肉質軟腍，油邊相對上會多少，油脂豐富；牛胸腹肉質比較實，肉味最濃郁！
/火鍋配料🥟
有多款配料喺出面自助區自己拎，主要都係蔬菜同丸類。推薦佢個芋泥貢丸同麻吉燒，芋泥貢丸彈牙，裏面嘅芋泥餡好軟綿；麻吉燒好似湯圓咁，口感比較實淨，都好食！
/台式小食🍤
紹興醉雞｜夜市甜不辣｜鹽酥雞｜澎湖花枝丸｜台灣香腸｜宜蘭蔥肉餅｜台南府城蝦捲｜榴槤炸彈｜陳醋木耳
小食款式幾多，仲有鹽酥雞同炸排骨，有誠意！其他嗰啲味道正常，花枝丸、甜不辣、香腸都唔錯，仲有必食嘅榴槤炸彈！
/甜品🧇
紅豆巧克力窩夫｜棉花糖小芋圓窩夫｜朱古力雪糕窩夫｜雲呢拿雪糕窩夫｜鳳梨雪花冰｜火龍果雪花冰｜飄雪世界｜芋圓仙草凍｜檸檬愛玉凍｜自家製黑糖豆花
以火鍋放題，佢嘅自家製甜品款式都幾多，最鍾意佢個窩夫🫶🏻，即叫即整，即叫一定分開雪糕同窩夫，出到嚟口感最香脆🤫！其他好似雪花冰、豆花呢啲都唔錯，唔會太甜～
🌟Encore指數：8.9/10
Post
