緣聚

Open Now

Now Closed

依間位於元朗既放題，位置有啲難搵，係地下入面，聽講已經紮根好多年，所以餐廳裝修經典少少，佢哋有卡座同大沙發坐，放題食品選擇超多，有超過100幾款🙋🏻不論係火鍋🍲、燒物🍖、刺身🍣、串燒🍢、韓式料理都有，仲有無限飲品同甜品食😛加錢升級埋可以任食松葉蟹腳🦀以及生蠔🦪，無論係一家大細定係一班朋友嚟聚會都啱晒，餐廳有QR code點餐服務，所以可以隨時叫，平均上菜速度係5-15分鐘，服務態度幾好。一坐低叫d刺身和壽司熱身先：三文魚🐟、油甘魚、吞拿魚，每片都厚切又鮮嫩，入口即化，生蠔🦪新鮮唔會腥。天婦羅有幾款選擇，外皮酥脆，揀左蝦🍤、紫薯天婦羅🍠，都好好味，日本紫薯味道香濃又唔會驚食多。飲品同甜品方面都一樣應有盡有，青酒、梅酒、汽水都有，我個日咁岩喉嚨有d唔舒服，就叫左熱飲，佢地有菊花蜜同其他花茶。之後叫左d熟食，枝豆、玉子燒、鰻魚炒飯、串燒，我特別喜歡佢既黑松露炒雜菌，賣相未必好吸引，但勝在松露味突出，雜菌又幾爽口🍄 食左差唔多2粒鐘，都試唔曬咁多款食物，真係多到唔知點揀好，食物質素整體都ok，但大部分食物同其他放題餐廳差不多，希望佢地之後加入多d新款食品。緣聚 🍲🍖🍣🍢11 號 金福閣 地庫,