Video
Read full review
2022-08-19
120 views
朋友帶我去呢間酒店食半自助餐，有即開生蠔任食，性價比唔錯，最重要係可以狂食蠔😆每人送一盅燉湯，雪梨燉湯，熱辣辣，啱晒我哋食蠔前打吓底先😆生蠔真係源源不絕，即開即洗，幾衞生，質素幾好，新鮮唔腥。海鮮有法國麵包蟹、青口、螺、蝦。除咗凍蝦，仲有白灼大蝦，超爽口。法國麵包蟹啲膏好正，甘香，拎蟹蓋最好淨食膏🙈刺身全部都合格，三文魚正常，帶子鮮，八爪魚唔韌，吞拿魚就一般。冷盤有Parma Ham蜜瓜、煙三文魚同埋芝士。我就最鍾意Parma ham😋熱盤有燒牛扒豬扒、南乳豬手、牛腩、燒鴨、貴妃雞、清酒煮蜆、炒飯、雜菜。我試咗燒牛扒、雞同埋牛腩，味道都OK，其中牛扒粉嫩。我哋加咗錢食咗個主菜，香煎多寶魚好厚肉，魚油豐富，有魚味，煎得皮脆肉嫩，上面仲有兩塊黑松露片，好高級嘅感覺。半碟嘅忌廉薯蓉都好食。甜品櫃都有幾款甜品，有蛋糕、奶凍、慕絲之類，我哋淨係食咗朱古力雪糕同埋豆腐雪糕，兩款都唔錯，好滿足。
每人送一盅燉湯，雪梨燉湯，熱辣辣，啱晒我哋食蠔前打吓底先😆
生蠔真係源源不絕，即開即洗，幾衞生，質素幾好，新鮮唔腥。
海鮮有法國麵包蟹、青口、螺、蝦。除咗凍蝦，仲有白灼大蝦，超爽口。法國麵包蟹啲膏好正，甘香，拎蟹蓋最好淨食膏🙈
刺身全部都合格，三文魚正常，帶子鮮，八爪魚唔韌，吞拿魚就一般。
冷盤有Parma Ham蜜瓜、煙三文魚同埋芝士。我就最鍾意Parma ham😋
熱盤有燒牛扒豬扒、南乳豬手、牛腩、燒鴨、貴妃雞、清酒煮蜆、炒飯、雜菜。我試咗燒牛扒、雞同埋牛腩，味道都OK，其中牛扒粉嫩。
我哋加咗錢食咗個主菜，香煎多寶魚好厚肉，魚油豐富，有魚味，煎得皮脆肉嫩，上面仲有兩塊黑松露片，好高級嘅感覺。半碟嘅忌廉薯蓉都好食。
甜品櫃都有幾款甜品，有蛋糕、奶凍、慕絲之類，我哋淨係食咗朱古力雪糕同埋豆腐雪糕，兩款都唔錯，好滿足。
Post
