Starry Night (Closed)

星期日同老公去銅鑼灣Starry Night任食生蠔，之後返屋企睇世界盃決賽。除左生蠔任食之外，仲包左三款頭盤: 黑糖麵包、煙三文魚、餐湯。黑糖麵包幾軟熟，煙三文魚好肥美，蘑菇忌廉湯正常發揮。首先會送上生蠔拼盤，有10隻生蠔、4隻蝦、4隻螺。今日提供既係日本生蠔，即場開殼，所以相當新鮮，隻隻都好大隻。蝦同螺絕不遜色，都好鮮甜。Encore左一次，好滿足。主菜揀左美國西冷牛扒同紐西蘭羊架，都係五成熟。美國西冷牛扒肉質軟腍，仲有薯菜伴碟。羊架帶少少羶味，都夠腍。