Video
Read full review
2017-11-30
132 views
年紀越大越少食放題，但當諗唔到食咩既時候，放題呢個念頭突然飄過，好想比個機會自己擦餐勁既！要食放題即刻諗到兆萬呢個放題集中營，記得之前朋友有讚過八幡屋質素唔錯，所以我同朋友二話不說就衝左上去！店員哥哥好好人地安排我地去卡位坐，位置好寬敞，超開心地開始狂點我地想食既野！（咁當然要食得曬先好點，唔好浪費）刺身：好驚喜既係三文魚片片都好大片而且唔會好薄，但食落有口感既三文魚！另外有希靈魚、赤蝦同虎蝦，留意呢隻赤蝦同下圖升級既赤蝦大小有非常明顯既分別！《+$60升級》我地加錢升級，所以有好大片肥美既油甘魚同我最愛既珍寶赤蝦。珍寶蝦果然比一般赤蝦大一倍，啖啖肉好肥美。另外試左海鮮燉湯同海膽蒸蛋。燉湯內有菇、花膠同蟹柳，味道清甜，放題有呢個質素既湯飲而唔係即沖麵豉湯其實已經幾滿足。海膽蒸蛋不過不失。《創意之作》第一次見食放題有得玩自製章魚小丸子，呢個gimmick 的確非常吸引。店員哥哥先幫我地加粉漿同餡料，而後我地就要自己反同轉轉轉，記得要時刻留意，小心玩到燶左！黑椒牛舌：好惹味，好重黑椒味而偏咸，好啱超重口味既人蕃薯仔：永遠唔令人失望既蕃薯仔，每次食都係咁甜芝麻雞翼：外層好香脆另外有香芋丸同芝
店員哥哥好好人地安排我地去卡位坐，位置好寬敞，超開心地開始狂點我地想食既野！（咁當然要食得曬先好點，唔好浪費）
刺身：
好驚喜既係三文魚片片都好大片而且唔會好薄，但食落有口感既三文魚！
另外有希靈魚、赤蝦同虎蝦，留意呢隻赤蝦同下圖升級既赤蝦大小有非常明顯既分別！
《+$60升級》
我地加錢升級，所以有好大片肥美既油甘魚同我最愛既珍寶赤蝦。珍寶蝦果然比一般赤蝦大一倍，啖啖肉好肥美。
另外試左海鮮燉湯同海膽蒸蛋。
燉湯內有菇、花膠同蟹柳，味道清甜，放題有呢個質素既湯飲而唔係即沖麵豉湯其實已經幾滿足。
海膽蒸蛋不過不失。
《創意之作》
第一次見食放題有得玩自製章魚小丸子，呢個gimmick 的確非常吸引。
店員哥哥先幫我地加粉漿同餡料，而後我地就要自己反同轉轉轉，記得要時刻留意，小心玩到燶左！
黑椒牛舌：
好惹味，好重黑椒味而偏咸，好啱超重口味既人
蕃薯仔：
永遠唔令人失望既蕃薯仔，每次食都係咁甜
芝麻雞翼：
外層好香脆另外有香芋丸同芝士年糕
牛肉鍋：
湯底似係壽喜燒咁甜甜地，令肉同菜都好香甜
其他食物:
店員好醒目，經常幫我地收拾枱上空置既碟同汽水罐，走既時候仲提我地食雪糕，咁甜心既服務的確抵讚！
Post
