鍋卷鳴門 (Closed)

難得同老婆撐枱腳，搵吓啲新鮮嘢食下❤️有啲新鮮感🤣朋友介紹鍋卷鳴門，餐廳喺旺角非常就腳👍而且餐廳好大,坐座方面好多係卡位😎包你坐得舒服！呢間係高級放題，因為佢有最貴嗰set有日本國產牛肉任食😁生蠔任食😁同埋幾類新鮮生猛海鮮俾你即場捕捉😁😁今日嘅海鮮有刀貝，沙白，大連鮑魚九節蝦賴尿蝦任你食包你滿足,正宗即捉即食，刀貝無沙，大大隻！賴尿蝦手咁大，好鮮甜有膏！生蠔方面肥美鮮甜！質素媲美過酒店酒店自助餐生蠔！食完再encore👍而且係法國生蠔，睇得出老細精挑細選並唔係為做而做👍湯底方面嗌咗比較特別嘅羅宋湯湯底上枱嘅時候已經非常香濃香氣撲鼻而且加湯嘅時候，佢唔係加普通嘅雞湯！而係加返羅宋湯俾你！值得一讚👍👍除咗打邊爐之外仲有刺身天婦羅炸物雪糕任食所以值得一試！雪糕方面有阿波羅藍戰神2最有香港人兒時回憶👍👍