斗滾 (銀座38) (Moved) New Location

呢間火鍋放題最正既地方就係可以任食雞煲，價錢唔算貴（$268/$298一位），視乎日子。🐥任食雞煲有五種辣度可以選擇，最低係BB辣，適合一些食唔到辣但又想食辣既香港人，8分鐘就可以完成一煲雞煲，可以加配料落去一齊炒。雞肉好結實，而且冇咩骨，十分好！🦐海鮮盛宴海鮮拼盤都好大盤，食材有鮑魚、蟶子、扇貝、海蝦、花蜆、龍躉、讚岐烏冬，每一款都好鮮甜，海鮮好新鮮。🐮滋補火鍋湯底係椰子烏雞湯，可以先飲湯，飲夠之後就可以叫店員加湯，轉做火鍋，可以任點手切牛頸脊，牛肉肥美。🍧甜品椰汁雪燕，甜甜地又滋潤，作為結尾非常好。