韓牛韓式燒烤 (Closed)

突然間好掛住韓式燒肉🥳去咗旺角創興廣場呢間任食韓燒，用餐區都幾大，食物款式有好多。除咗有燒烤肉類同配料之外，仲有韓式熱食丶前菜泡菜丶壽司丶水果丶甜品丶汽水啤酒丶雪糕雪條⋯可以一次過滿足晒鍾意食肉/食韓食 嘅朋友👍🏼全部食物都係自助形式～燒烤肉類選擇都好多🥳五花腩丶羊肉丶牛仔骨丶牛脷丶韓式醃肉丶鴨腎丶金菇肥牛卷丶多春魚⋯仲有幾多蔬菜選擇，南瓜丶菠蘿丶茄子我都鍾意💗食物擺放得好整齊，而韓式熱食方面有泡菜煎餅丶海鮮蔥餅丶炒粉絲⋯目測有10幾款，我食完燒烤已經好飽🤩淨係食咗豬手～好軟腍入味，唔錯👍🏼水果選擇都多，當日見到除咗有切片西瓜丶火龍果之外，仲有提子丶大柑丶林柿🥳 食到咁飽～再食多啲水果真係好滿足。