牛之鍋

Open Now

Now Closed

慶祝生日又點少得去食火鍋，呢間最近推咗個全新套餐，除咗可以任食新鮮本地手切騸牯牛之外更有期間限定嘅乳山生蠔、原隻鮑魚等海鮮供應。星期一至四無限時任飲任食，大胃王啱曬！C餐有升級牛肉、串燒、火鍋同甜品。回本之選當然唔少得騸古牛，指嘅係一歲以前閹割嘅黃牛，牛味濃郁，入口腍滑，難怪被稱視為牛肉之皇～ 另外仲有美國見島和牛同雪花牛小排，好肥好好味，encore咗唔少次😬海鮮類眾多，生蠔鮑魚大粒又鮮甜，出面好少有。串燒同樣有驚喜，唔講唔知以為去咗某間串燒店，專門有個長盤裝著，肉質鮮嫩，調味適中，推菠蘿同腸仔，打著邊爐食都幾過癮～ 刺身都有經典幾款，新鮮肥嫩，見唔少人點。估唔到呢度仲有多款自家製即製甜品，升級大碗份量，甜品空表示心心眼，芭菲、雪糕、綿綿冰、糖水、糯米糍，個人最鍾意焦糖燉蛋、牛奶燉蛋白同超級可愛嘅公仔泡芙，打卡又好味😋