小肥羊 (Closed)

今早到和朋友The One睇早場, 睇完也差不多午餐時間, 於是便打算到小肥羊飲茶食點心, 坐低見有不同收費套餐可選擇. 例如$30元套餐(每人可選擇2款點心, 1款飯/麵食, 另送時菜1碟及甜品1客), 及$55元任點任食點心套餐(每人可任食套餐紙內食品, 包括點心, 飯/麵食, 京川滬小食及甜品等), 每位客人不論叫那種套餐, 都需另付$6元茶錢及加一收費. 我和朋友本想試$30元的套餐, 但我又並不是太想吃太多飯/麵食, 反而想多吃點心, 因此最後我們還是要了任飲任食點心套餐. 我們先後落了3次單, 點了約10多樣點心, 另外, 除了點心外, 還可以任食小炒, 如雞翼, 脆皮腸, 豬頸肉炒西蘭花, 甜酸魚柳等等, 我們亦樣樣都吃了一些. 整體來說, $67元(已包括茶芥及加一)一位並不算貴, 因食物選擇算多, 要飽肚絕不是問題. 但食品質素卻不及一般中式酒家般精緻細膩. 可惜回家後才得悉在Open Rice可下載優惠券, 否則會更加抵!