鼎家喜筷 (Closed)

有朋友話我知，荃灣海之戀商場鼎家喜筷係鼎爺有份開，質素一定有保證，當然唔會錯過，約定同事放工一齊去試試！餐廳佈置得好雅緻，每個角落都有鼎爺嘅影子。例如用光管做成鼎爺卡通頭像，十分可愛！餐廳主打平民版高質新型燒味Café，現推出【90分鐘秘製幸福雞煲放題】其間無限添加秘製幸福雞煲，同事和我都好想試吓！幸福雞煲 配送「新鮮蔬菜1份」，啲雞好滑好入味！連雞皮都好爽口，醬汁以麻辣的雞煲醬調配而成，濃郁惹味！雞件夠麻香，有3個辣度揀，我哋揀咗BB辣，超好味！之後無限追加雞煲，真係越食越好味，停不下來！另外還有免費加湯打邊爐。火鍋配料都好新鮮，價錢唔貴。魚蛋、墨魚丸都好彈牙，鮮腐竹口感軟腍滑溜。每位加28元就可以任飲鼎家茶，兩款都係好足料，係低糖健康飲品。菊花薏米功效是疏散風熱，平肝明目、清熱解毒等。檸檬洛神能增進食慾、清熱、解渴、降壓、促進代謝。