泉記金喜來海鮮飯店 (Closed)

聽左同事講好耐，終於到我朝聖！7點幾來到，可能係平日，仲未full。丫姐帶左我地去角落位，但就可以𥄫實個自助食物區，一有正野可以第一時間睇到同衝出去佢地用石油氣爐，全部大枱，有機會要搭枱。湯底有好多選擇，我地揀左鴛鴦。湯底唔太掂，一邊清湯，一邊沙嗲。沙嗲唔辣，啱我。清湯嗰邊係清水，有幾片紹菜。食物款式真係好多，重點出擊的要數龍蝦，鮑魚，龍疋，原粒帶子。可惜我地嗰晚只見龍蝦，但已很滿足。#丸類#攞左，八爪魚丸，芝士丸，貢丸，墨丸。無攞的仲有牛丸，豬肉丸等。我試左的，除左貢丸外，其他都唔得，好粉，唔彈性。#貝殼類#好多唔同款式，有5款左右。花甲，白貝，聖子，其他我唔知叫乜。仲有帶殻帶子。全部都各樣攞啲，驚肚痾，煮好耐先敢食，但撈上來，變到好細粒不過都新鮮！#蝦類#有龍蝦，賴尿蝦，海蝦。食左龍蝦同賴尿蝦。龍蝦無得輸，彈牙，新鮮。賴尿唔得，霉的。#其他#豬肝"鞋", 肥牛，滑牛，豬肚同粉腸都no Gd。蠔熟左好細粒，不過好過無。水餃好食，魚片都係#鞋", 有年糕，有我愛的田雞。仲左響鈴，炸魚皮。。。朋友一個人食左半磅肥牛。另一賣點，任飲，有支裝麥精呢度係抵，但又唔係真係好好食。