尚八日式燒肉店 (Closed)

一向勁鍾意食牛，知道旺角有間可以任食和牛嘅日式燒肉店，緊係諗都唔使諗去試吓啦。入到去抽風系統都幾好，冇乜燒肉嘅油煙味，同埋d座位幾寛，完全冇壓迫感。呢度有2個任食餐，一個係A4和牛任食，另一個係燒肉放題，我專登黎食A4和牛緊係叫A4和牛放題啦。未叫野食前，店員已經攞咗個刺身拼盤同A4和牛拼盤比我地食住先，刺身拼盤最驚喜係有勁大條海膽，海膽非常新鮮，好鮮甜好creamy,其他刺身都係厚切，完全冇腥味，好新鮮。而A4和牛拼盤非常吸睛，全部油花都分佈喺每片和牛果度，好均勻，每款和牛都有牌mark低係咩部位，非常方便再encore,放上網兩面燒幾秒就食得，入口即溶，咬落去d油爆出黎，勁重牛味，點少少岩鹽吊吓味，就食到和牛嘅原汁原味。燒肉除咗A4和牛，豬，海鮮，蔬菜同雞之外，仲有唔少熟食同壽司，因為食和牛已經食到勁飽，熟食同壽司只有叫咗少少，佢地嘅芝麻雞翼同炸雞軟骨都非常好食，即炸熱辣辣，勁香口。出面仲有飲品任飲，呢個價錢任食A4和牛,性價比非常高，食 2 around已經和本。