麻痺雞 (Closed)

相約三五知己去大埔麻痺雞試吓佢嘅招牌菜-麻痹雞煲(正宗重慶雞煲)，而且仲有優惠價任飲任食，都只係$158一位。餐廳位置容易搵到，而且門口可以泊車，非常方便。餐牌上有多款雞煲、火鍋湯底有十二選擇，種類繁多，當中仲有海鮮、魚同埋羊腩煲等等鍋底。飲品以自助形式供應，自行喺雪櫃攞。首先攞咗一支鴻福堂竹蔗茅根水滋潤喉嚨、清熱氣，飲落去味道唔會太甜。朋友就叫咗幾支青島啤酒，啤酒非常冰凍，而且每位都只係加$15就可以任飲，好抵飲。主菜雞煲來了，我哋叫咗唔辣，賣相非常吸引惹味，每一件雞件肉質鮮嫩，非常入味。牛魔王我哋當然唔少得叫兩份手切安格斯肥牛，驟眼睇見到牛肉嘅條紋非常平均，而且呈現鮮紅色，非常新鮮。肥牛食落去有好濃郁嘅牛肉味道，口感好軟熟。火鍋配料中嘅自家製韭菜餃非常出色，除咗賣相吸引之外，仲要好大隻，皮薄餡靚，入面嘅豬肉同埋韭菜份量非常多，而且韭菜同埋肉碎味道好新鮮。蟹棒非常入味，簡直混雜咗湯底嘅精華味道所在。貢丸混合左蘑菇肉，食落去一粒粒嘅蘑菇爽口，非常新鮮。仲有即叫即炸嘅響鈴，非常香脆可口。最後食咗咁多嘢都只係＄900有找，每人平均消費＄225有找，有咁好嘅服務質素，而且食物新鮮美味，真係值