潮福蒸氣石鍋 (Closed)

之前食左幾次都係食蒸氣窩套餐，今次試下食海鮮定食火鍋放題，火鍋放題冇限時，可以坐耐d食耐d。首先揀火鍋鍋底先，都有十幾種選擇，星級鍋底有兩款，我地揀左濃湯花膠雞鍋；定食有海鮮盤、安格斯牛肉、三文魚刺身拼象拔蚌；仲有任食火鍋配料。刺身盤新鮮，三文魚肥美，象拔蚌都好爽口。海鮮盤有龍躉、聖子、黃刀貝、貴妃貝、美國桶豪、大海蝦，全部都好新鮮，最喜歡食龍躉片，肉質嫩滑又鮮味。安格斯牛肉，脂肪紋理平均分佈，非常新鮮，肉味香濃。啤酒汽水一樣有得任飲。醬油配料都係可以自己任攞。大埔呢間潮福地方都幾大，仲有電視睇。