煲師傅砂鍋小菜

Open Now

Now Closed

今日嚟咗近家樂坊鴻光大廈呢間煲師傅砂鍋小菜，見到好多唔同特色野食，川味小菜、雞煲烤魚放題，砂鍋小菜等。最後揀咗雞煲放題，可以任食兩個鐘頭，仲有嘢飲同Häagen-Dazs雪糕。雞煲揀咗麻辣味，好快就上枱，雞件已經煮熟咗，好多都係雞髀位，再煲一煲得好聞到香噴噴洋蔥、芫荽、同埋花椒味，味道香香嫲嫲辣辣，同雞件好夾。食完雞煲，加咗清湯變火鍋，嗌咗好多火鍋配料。出乎意料之外，有任食黃喉、豬腰唔係普通放題可以食到。黃喉、豬腰都爽口彈牙！不限次數，叫咗幾次美國肥牛、新鮮海蝦、水魷魚、牛柏葉、蟹柳棒等等特別推介海蝦、水魷魚、蟹柳，質感彈牙，鮮甜。蔬菜類都好新鮮、叫做娃娃菜、凍豆腐、條裝萵筍、響鈴同埋薯粉，全部食材都新鮮。最後食埋雜莓味同咖啡味Häagen-Dazs雪糕，滿足嘅一餐。