煲師傅砂鍋小菜

Open Now

Now Closed

其實經過好多次…望落環境麻麻…女朋友話…平平地，天氣又有小小涼涼地食個食雞煲囉…咁就膽粗粗試下，我心入面都覺得伏多…先食芝士雞…普通，有小小乾之後貪新鮮試下個奇味雞，一試有意外，意外地幾好味…所以我個人覺得…想平平地又打邊爐，又雞煲既試下冇壞

在這次的用餐經歷中，我深感失望。餐廳的裝修雖然有一點深圳的風格，但整體氛圍卻讓人覺得不太舒適。至於餸菜，油膩感十足，味道更是奇怪，讓人難以接受。食物的選擇也很有限，讓我感到失望，甚至懷疑某些菜餚是否已經煮熟。最令人驚訝的是，除了白飯之外，似乎沒有任何一道菜能夠讓人下口，白飯成了唯一可以接受的選擇，這實在是太糟糕了。整體而言，這次的用餐體驗實在是難以忍受，無論是食物的質量還是服務的水平，都讓我感到不滿。我絕對不會再光顧這家餐廳，對此我感到非常遺憾。🥲

舊同學約食飯 話旺角女人街有間雞煲放題價錢唔貴仲要質素幾高食完雞煲仲可以打邊爐咁我地就揀左佢餐廳都幾大間枱夠大 而且枱與枱之間距離甚遠環境唔會好嘈吵呢度除左食雞煲放題 仲有烤魚放題都係一樣價錢另外都可以叫小菜 都幾多選擇雞煲有兩款口味 分別係三重芝士雞煲同麻辣奇味雞煲我哋一心為麻辣雞煲而來 所以都係揀麻辣奇味 放題飲品任飲在外面自取有竹蔗茅根可以清熱 又有茶可以解膩當然食麻辣雞煲一定要有啤酒雞煲上桌時已經半熟店員翻了幾翻 再焗一會就食得一打開蓋 熱辣辣香噴噴雞肉按人頭計份量好多 重點係可以再加件件雞肉都係雞髀肉 啖啖肉仲要超級嫩滑麻辣小辣是微辣 麻中帶香唔太食得辣既朋友都食到因為唔夠喉 我地都叫多round 然後就可以再加湯打邊爐點了安格斯肥牛 半肥瘦肉質鲜嫩仲有點了牛舌牛舌薄切但牛味濃郁另外點了午餐肉 娃娃菜 炸魚皮等等食到好滿足食完仲可以出面取杯haagen-dazs雪糕食到個個捧住個肚走

本人好鍾意食火鍋， 旺角大部分火鍋店都食過， 本來想支持下香港小店 ，但呢間可以話係最差的一間：- 食物質素重差過一般屋邨酒樓- 食物種類非常少，成個餐一啲平價海產都冇，例如鯇魚片，蝦滑，蜆等等- 經常漏單，要叫幾次先有- 唯一每人限定的兩隻蝦叫了成晚都冇出現過， 追了單也沒有出現- 肉是合成肉， 仲差過X宝買那種- 認真重差過我之前喺一啲屋邨酒樓食嘅百幾蚊火鍋，真心中伏- 如果要評價，50蚊一位我都唔會再食最好嘅一樣嘢就係冇吹我哋買單，都當係唯一嘅優點

之前行過幾次通菜街 見到呢間煲師傅好抵食一直都想搵晚過嚟食雞煲+打邊爐呢晚咁啱喺旺角收工 約咗個朋友去試吓店面裝修簡潔乾淨 挑高設計令舖面感覺更大更光猛老闆老闆娘同staff都熱心招待 無論食雞煲定食小菜 都會向食客推介熱門好食菜式亦會不時留意點菜/收碟 service非常好雞煲+打邊爐 每人$218加一 可任食2小時雞煲可以揀芝士或者麻辣辣度亦都可以揀大中小辣 啱晒唔太食得辣嘅朋友仔要咗小辣 一上枱就聞到勁香用咗蒜頭、洋蔥、唐芹、蔥、花椒去炒 香氣十足雞件大大件 炒得好惹味較多雞髀肉 肉質鮮嫩juicy 勁好食😋之後就打邊爐火鍋配料選擇都好多海鮮、肉類、蔬菜都有推薦牛舌 薄切但好爽口彈牙 牛味香濃羊肉片羊味濃郁 肉質嫩滑牛筋丸勁juicy勁爽彈海蝦爽脆新鮮 飲品自助 有茶、汽水同啤酒最後一人仲有一杯Haagen dazs雪糕 好開心好滿足😌

又到左食雞煲既時候啦😍 今次黎女人街食呢間，任食又抵食，正！有生可樂同啤酒任飲~任食既朋友可以一人一個Haagendaz 😍 推薦 summer berries 👍好多野食可以嗌😋 貢丸爆汁！粟米放辣湯超好食！叫左三重芝士雞煲，芝士超超正🤩 但係雞如果有埋辣味更好，最好既係雞煲可以續嗌其他味（奇味、麻辣或者再芝士🤣）有調味料，即刻狂加coriander ✌🏻🤣可以任食雞煲，或者任食烤魚😋好多好多配菜可以揀，好抵食🫶

為食嘅女朋友話好耐無食雞煲放題，咁我梗係要做嘢啦。上openrice見呢間位於旺角女人街旁邊嘅「煲師傅」評價幾好，就一於試下。餐廳位置好方便，裝修簡潔，坐得好舒服。另外，店員服務態度殷勤，值得一讚！雞煲有芝士、奇味同埋麻辣味選擇。我地唔想食芝士太heavy、又唔係好食得麻辣，就試左奇味。所謂奇味係幾個醬混嘅，好香好惹味，但又唔會太辣。而雞煲所用嘅雞部位目測都係髀位，所以肉質當然好好啦。食完雞煲就加湯食火鍋料。呢度放題包嘅火鍋料選擇頗多，我地可以按喜好任叫真係好爽。特別推薦以下火鍋料：羊肉片賣相吸引，食落去肉味十足。肥牛口感好好，而且啲牛嘅色水望落去都幾新鮮。炸魚皮炸得好脆，非常香口。蔬菜拼盤好新鮮，洗得都好乾淨。飲品可以任攞，特別推薦最近好heat嘅生可樂！最後放題包一人一杯哈根達斯雪糕，正！

見好耐冇去女人街既餐廳食飯，所以專登搵咗間係女人街嘅餐廳食晚飯.好耐冇見到你間餐廳紅噹噹裝修，覺得一定食辣嘢應該唔錯😂餐廳出邊都擺咗banner推介雞煲放題，我哋就俾佢吸咗入去啦但係我哋入到去發現仲有其他嘢食吸引，我哋叫咗烤魚放題！我哋揀咗香麻辣烤魚！佢係半煎炸咗，望落去脆卜卜！等烤魚滾嘅時候真係好難捱，因為一路滾啲香氣就一路飄上嚟😂呢間嘅烤魚，一嚟到就放咗好多配料喺度有金菇，豆腐皮，萵筍，蓮藕同埋鴨血！啲鴨血超入味！金菇索晒啲麻辣汁，超正！魚肉熟既程度嘅啱啱好！唔會係一早已經炸炸熟晒！食完烤魚係可以放題食火鍋配料！以為應該係會揸流攤，點知啲蔬菜係好新鮮，同埋牛柏葉係爽既！肥牛嘅質素都好好！仲要呢度係有得食一杯Häagen-Dazs雪糕！飲品任飲！覺得呢間非常抵食

好耐都冇係女人街食過野啦，今次黎到一間食雞煲火鍋嘅餐廳，依到真係好抵食，$218位就可以食2個鍾頭嘅雞煲放題，有45款嘅火鍋配菜可以點，而且有啤酒任飲，正呀佢除左雞煲，仲要魚煲可以揀添，不過今次就叫左麻辣雞煲黎食，少辣，佢個雞煲唔係d有醬汁嘅鍋，而係生炒嘅雞煲，d雞真係好嫰滑，麻辣味道好好，麻、香、辣夠晒配合，所以食落真係好惹味，忍唔住口叫多煲黎食食到配菜都好新鮮，最特別嘅係有黃喉食，唔係到到都有得食，食起上黎夠晒爽脆。而另一推薦就係雞子啦，夠大粒而且處理得乾淨，當你肥牛同蝦緊係走唔甩啦！樣樣野都咁好味。最後仲可以每人有杯哈根大師食，真係夠晒滿足整體黎講，餐廳食物質素高，服務都好好，真係平靚正，依到好岩鍾意雞煲火鍋嘅朋友仔黎食餐包

近排聽朋友介紹聽講呢度嘅雞煲又平又好食今次經開旺角買嘢，又一於試吓餐廳可以揀小菜或者雞煲放題，今次揀咗雞煲放題，二百零蚊嘅價錢有得任食算係非常唔錯怪味雞煲幾種唔同嘅醬炒埋一齊，幾惹味。肉質方面,雞肉Q彈有嚼勁,入口即化,非常入味。食完雞煲，可以轉火鍋，今次我哋揀咗清湯，如果要其他湯底嘅話可以加錢肉類包括牛肉,羊肉等等，以及彈牙爽口的魚丸等。另外海蝦每人有兩隻都非常新鮮。比較鍾意嘅係雞子同埋娃娃菜。另外飲品方面亦都有角色唔重嘅茶類同埋汽水類，選擇都唔算少

好耐冇食過雞煲，所以約朋友嚟煲師傅試下，入到嚟覺得環境都幾舒服，光猛、乾淨、闊落奇味雞煲，經典嘅雞煲口味，雞都幾嫩，好惹味芝士味雞煲，好新奇，未試過呢個口味，好香口好夾，拉晒絲又邪惡又吸引打邊爐嘅食材好新鮮，海蝦好彈牙實淨，手切牛肉味道香濃，高質啲嘢洗得好乾淨，質素完全唔覺係放題，食得好滋味牛舌都好好食食埋Haagen Dazs雪糕，極滿足飲品嘅選擇都唔少，有糖無糖、有汽無汽嘅都有雞煲打邊爐套餐好抵食，雞煲有唔同口味任食，打邊爐食材嘅選擇都好豐富除咗雞煲打邊爐，仲有幾十款唔同嘅小菜套餐，選擇好多，照顧晒唔同客人嘅需要，特別想讚店家服務好殷勤好親切，真係做到賓至如歸，好抵讚

今天我去了旺角一間餐廳叫煲師傅砂鍋小菜，環境寬敞，設有不少卡位🙂我地叫了2人2小時任食鷄煲放題火鍋🐔，$218鷄煲可無限添加，可任轉三重芝士鷄煲，麻辣，奇味鷄煲鷄件嫩滑，加上特製鷄煲醬，口感惹味😝安格斯肥牛🥩+20/位肉質鲜嫩爽口，薄切為主，肥瘦適中😆火鍋配料可任食，如牛百葉，豬潤，水魷，娃娃菜，蓮藕，芋絲等多選擇甜品每人有杯haagen-dazs雪糕🍦另有自助醬料區和飲品櫃整體得分: 5/5味道: 5/5環境: 5/5🎇煲師傅砂鍋小菜🎈旺角通菜街2A-2P號鴻光大廈地下F, G & H號舖@maphk2021

見網上好多人都推介呢間雞煲放題，價錢唔貴仲要質素幾高，一直都好想嚟食，今日終於有機會！雞煲有兩款味可以揀，有三重芝士同埋麻辣奇味，我哋就揀咗麻辣奇味，雞煲份量好多，同平時出邊食開嘅雞煲唔同，件件雞肉都係雞髀肉，啖啖肉仲要超級嫩滑，麻辣只係微微辣，麻中帶香，唔太食得辣嘅都唔使擔心，本身仲諗住食多一個雞煲，因為真係好好食，但係個份量有啲多，所以我哋都係留返個肚食火鍋！火鍋有正宗麻辣、芫荽皮蛋、蕃茄薯仔湯底，我哋揀咗正宗麻辣湯底（中辣）。啱啱開頭食中辣都唔覺得好辣，但之後越食啲辣就越出，陣麻味都唔會冚咗辣嘅香味，係唔錯嘅湯底！配菜都有好多選擇，最正一定係特選美國肥牛同埋特選羊肉片，牛肉非常新鮮，鮮紅色嘅牛肉，入口嫩滑，配埋麻辣湯底一流！羊肉片都好新鮮，一啲都唔騷，忍唔住嗌咗幾碟！另外嘢飲都係任飲，有包裝檸檬茶、菊花茶、蘋果綠茶等等，仲有竹蔗茅根就算食麻辣都可以清熱。最正嘅一定係每人一杯Häagen-Dazs雪糕作為甜品。講真二百幾蚊，可以食到高質雞煲同埋火鍋放題仲有Häagen-Dazs雪糕，仲要質素唔錯，真係幾抵食，性價比超高！

午餐水煮魚咁價錢大陸都未必有今日本來想去旺角劉X記食午餐，但除左生煎包，其他無乜想食，所以又行下行下，系同一條街對面，見到個大招牌吸引左，咪行去睇下，餐牌有吾同口味，有辣有吾辣，最重要有油菜。12點幾幾去到，得兩三台客，本來都有 d想離開，但招呼又幾好，冷氣外馬上推把風扇向住我地，熱辣辣舒服曬。可能因為主力做火鍋，所以座位好大，幾舒服。水煮生魚飯($62)5分— 非常足料，吾只魚多同滑,配料好多，有蘿蔔，蓮藕，紅薯粉，粉皮。。，午餐咁足料非常吾錯。—叫左微辣，都麻得幾過癮。古老肉飯($50)4分—同其他餐廳差不多，系比較新鮮。生菜($21)4分— 好有蒜頭香味。— 系菜分量比較少————

呢間位於旺角鬧市嘅小型菜館，除咗有中式聚餐小菜外，亦都有雞煲火鍋放題可以選擇。餐廳裝修環境新淨， 餐具潔淨， 10分醒神。當日嚟到就揀咗雞煲火鍋放題，價錢10分優惠，汽水任飲。雞煲有唔同嘅口味可以選擇，當日就揀咗奇味雞煲，雞件啖啖肉，配合埋雞煲嘅醬汁，唔會太過油膩，而雞件都10分入味。雞件唔夠食可以任加，當日見到一鍋其實已經有好多雞件，所以就唔需要再加了。食完雞煲就可以加上高湯，轉做火鍋打邊爐。邊爐配料選擇10分多，每人有兩隻大嘅海蝦。而且牛肉，豬肉，羊肉都可以任叫，其他火鍋配料亦都10分齊全。個人最喜歡嘅就係蒙古羊肉，羊肉非常新鮮，有羊味之餘又唔會臊味。飲品方面，除咗一般飲品之外，最驚喜嘅係呢度有罐裝生可樂，仲要係無糖嘅添，真係飲多幾罐。最後仲附送每人一杯Häagen-Dazs雪糕，食完濃味嘅雞煲同埋火鍋即刻用雪糕清一清個口，真係一流。