高麗軒韓國料理 (Closed)

優惠價加$38升級肉類及海鮮😘假日食好啲系列之任飲任食-高麗軒韓國料理 韓燒+熟食～食到飽^o^。餐廳抽風系統良好，食物任叫，飲品任飲，夠晒冰凍，若想飲酒可以加錢點。食嘢前要食菜先，醃製食物有泡菜、青瓜🥒、蘿蔔、芽菜同菠菜。燒肉選擇多，雪花牛的紋理靚，肉質有咬口，羊架唔會好騷，肉汁豐富，蝦🍤、魷魚、牛肋肉、牛舌樣樣都醃得剛好，唔會過咸，我哋將生菜🥬、蒜頭🧄同麵豉醬夾埋一併食，超美味啊。海鮮類的蝦、帶子、帆立貝都新鮮大隻，肉質彈牙，我地燒到剛熟好好食😋。熟食有煎餅、蛋包蝦、炒粉絲、燒雪魚、紫菜湯等一應俱全，仲有我最愛的牛助骨湯，煮得入晒味，軟淋易咬，讚讚啊😉。我哋唔會做大嘥鬼，故食得晒先叫，食唔到又想食嘅就唯有下次囉😊