好一鍋海鮮火鍋專門店 (Closed)

今晚好想打邊爐，行過佐敦道莊士敦廣場，當中有好多間火鍋店我哋揀咗入去（好一鍋海鮮火鍋專門店）餐廳地方十分寬敞，坐得好舒服，食物質素又新鮮有多種類，仲係任飲任食，最緊要就係價錢都十分抵食。雙拼鴛鴦鍋湯底， 一邊是椰子雞湯，清甜的椰子再加上嫩滑的雞 件，湯底十分香甜美味。另一邊是鮮茄豬骨湯底，用了新鮮的番茄再加上豬骨淆製後，成個湯底，酸酸甜甜十分濃郁。黑豚肉，油脂分佈平均，好香有肉味，焯熟口感又嫩滑，不會老，都算有水準。花膠，女士恩物，夠曬滋補。美國肥牛，脂肪較多，食落口有少少油膩，但都算不錯。美國桶蠔，睇下生蠔好新鮮又乾淨，夠曬肥美鮮甜，有蠔味，忍不住了。白鱔片， 雖然帶點幼骨，但焯熟後都十分爽脆，魚鮮味好香。茅根竹蔗水，味道不會太甜，飲落好清甜順喉。