Video
Read full review
2024-11-12
129 views
$468就可以任飲兩個半鐘高質純米大吟釀！唔使再為揀邊支清酒而煩惱因為可以全部都試一次！🥂每款清酒都有獨特嘅風味有幾款更加好飲到我同朋友不停encore❤️⭐️ 刺身拼盤有拖羅、北海道海膽、象拔蚌、真鯛同間八拖羅油香四溢 象拔蚌鮮甜爽口 海膽甘香味濃💕⭐️北海道水八爪刺身配上酸汁 非常清爽開胃個人非常鍾意食八爪魚吸盤💕亦係出邊比較少見😝⭐️佐酒小食叫咗兩款分別係富山白蝦唐揚拼淡路島玉蔥同埋高知縣產鰹魚酒盜芝士兩款佐酒都一流😝尤其推介淡路島玉蔥 非常香口⭐️ 蒜片黑椒炒阿波尾雞腎雞腎用鐵板上菜遠遠已經聞到黑椒嘅香味雞腎非常爽口彈牙 ⭐️串燒沖繩海鹽燒牛舌芯燒鰻魚串汁燒免治雞棒配日本刺身蛋居酒屋嚟講串燒嘅質素一定有返咁上下自己最鍾意係燒鰻魚串個底燒得非常香脆 口感超正一定要趁熱食💕⭐️脆辣吞拿魚腩蓉反卷微微嘅香辣 唔太食得辣嘅我都可以食到吞拿魚腩蓉容量非常多基本上每件都係啖啖肉食落去少少辣味好脆口感覺好得意好好味⭐️松葉蟹甲羅燒喜歡食蟹肉嘅話一定要點💕唔似其他舖頭既甲羅燒咁用好多其他配料混埋一齊呢度嘅甲羅燒就係單純嘅蟹肉同蛋加上簡單嘅調味 蟹味好鮮好出色⭐️黑毛和牛野菜壽喜燒呢個大推 壽喜燒湯好香牛味所有配
$468就可以任飲兩個半鐘高質純米大吟釀！
唔使再為揀邊支清酒而煩惱
因為可以全部都試一次！🥂
每款清酒都有獨特嘅風味
有幾款更加好飲到我同朋友不停encore❤️
⭐️ 刺身拼盤
有拖羅、北海道海膽、象拔蚌、真鯛同間八
拖羅油香四溢 象拔蚌鮮甜爽口 海膽甘香味濃💕
⭐️北海道水八爪刺身
配上酸汁 非常清爽開胃
個人非常鍾意食八爪魚吸盤💕
亦係出邊比較少見😝
⭐️佐酒小食
叫咗兩款
分別係富山白蝦唐揚拼淡路島玉蔥
同埋高知縣產鰹魚酒盜芝士
兩款佐酒都一流😝
尤其推介淡路島玉蔥 非常香口
⭐️ 蒜片黑椒炒阿波尾雞腎
雞腎用鐵板上菜
遠遠已經聞到黑椒嘅香味
雞腎非常爽口彈牙
⭐️串燒
沖繩海鹽燒牛舌芯
燒鰻魚串汁燒
免治雞棒配日本刺身蛋
居酒屋嚟講串燒嘅質素一定有返咁上下
自己最鍾意係燒鰻魚串
個底燒得非常香脆 口感超正
一定要趁熱食💕
⭐️脆辣吞拿魚腩蓉反卷
微微嘅香辣 唔太食得辣嘅我都可以食到
吞拿魚腩蓉容量非常多
基本上每件都係啖啖肉
食落去少少辣味好脆口
感覺好得意好好味
⭐️松葉蟹甲羅燒
喜歡食蟹肉嘅話一定要點💕
唔似其他舖頭既甲羅燒咁
用好多其他配料混埋一齊
呢度嘅甲羅燒就係單純嘅蟹肉同蛋
加上簡單嘅調味 蟹味好鮮好出色
⭐️黑毛和牛野菜壽喜燒
呢個大推 壽喜燒湯好香牛味
所有配料索曬湯後好香甜
牛嘅份量算係比較多
⭐️關東煮
呢度個關東煮係廚師發辦既
所以碟碟都唔同㗎
最鍾意食關東煮嘅蘿白💕
⭐️沖繩苦瓜豚肉炒蛋
雖然過幾日就會去沖繩
但係都忍唔到口🥲
好想食個苦瓜炒蛋🙂↕️🙂↕️
呢間嘅苦瓜炒蛋非常出色
唔會好苦少少回甘
口感好爽❤️❤️
Post
