蘇媽.蘇媽馬來西亞茶餐室 (Closed)

今次我地去左尖沙咀玩，揀左呢間都算出名既馬來西亞餐廳食飯，呢間餐廳我係深水埗認識既，其後旺角有開分店，依家尖沙咀都開埋，仲要擴展營業開埋Bar，不過我地都係食番佢本身既餐廳，唔係去Bar😆三層肉肉骨茶（$68）呢間餐廳最出名既一定係肉骨茶，本身餐廳既墊枱紙有教肉骨茶4步曲，先調醬，飲碗熱湯，嚐肉骨茶，再添熱湯，呢度既肉骨茶就有當歸，川芎等多種藥材，飲落幾濃既藥材味，感覺回甘唔係苦既藥材，三層肉係一件件既腩肉，份量多又夠肥美，仲有佢地既肉骨茶湯係無限添飲，超正😍高佬麵配雞扒（$68）高佬麵以我理解即係撈麵，口味係甜豉油既味道，佢雖然成琳都充滿醬汁，但食落又唔會好咸，仲有一小碟辣醬同埋溫泉蛋撈埋食仲正，雞扒煎得夠香，塊皮又脆，又夠大塊😋椰香咖央多士（$38）咖央多係馬來西亞名物，黎到呢度梗係叫番碟，多士烘得岩岩好，脆得黎唔會燶，餡既咖央醬同牛油味道好夾🍞🧈馬來西亞拉茶（熱）（$22）呢杯拉茶個面起曬泡，係特色黎，比起我地一般飲既奶茶感覺更滑，奶味偏重👍🏻冬瓜龍眼茶（凍）（$26）呢杯茶好清甜，仲有糖冬瓜同龍眼肉係杯茶入面☺️呢間餐廳食物唔貴，食物有特色又好味，肉骨茶可以任肉真係抵食，見隔離間