Video
Read full review
2020-10-22
3557 views
社交平台發現呢度有$399任飲3小時加1份德國豬手/半打生蠔，於是訂位黎食啦！旺角店比佢睇你Like & Share post再減$40即係$359食物款式唔算多，酒吧係咁上下，始終都係重點賣酒。價位就進取左少少，不過可以接受嘅可以任飲紅白酒，啤酒1664/Asahi，同汽水。點解話服務有待改善？因為我第一杯揀左紅酒，Free-Flow意思都係任飲，咁即係我轉黎轉去係可以啦，但有位員工聽到O嘴，佢諗左10秒，再話你等等。。。我等等？後來佢又拎左白酒黎斟喎。。。咁其實係可以唔！？咁我唔明呢位員工點解要O嘴兼發呆，因為多左一隻杯要洗要抹？咁純粹我自己諗姐白酒好香，係Sauvignon Blanc，帶草青味，檸檬，梨氣息，唔錯紅酒似乎有咁上質素，Malbec，紅莓果香，帶輕橡木桶味，單寧好薄，易入口黑松露雜菌Pizza $98冇諗過pizza係可以第一樣上枱，點解焗都可以咁快？睇外貌好正，多菇，邊位都睇到好多黑松露醬，芝士都落好多 不過熱嘅位只有外圍，個心位係微暖至凍。。。。德國豬手豬皮偏硬偏靭，豬肉乾，唔熱，上枱係冇冒煙，但係冷氣好大。。。酸菜比主角仲好食，酸椰菜，酸紅白蘿蔔，酸青瓜白酒煮
食物款式唔算多，酒吧係咁上下，始終都係重點賣酒。價位就進取左少少，不過可以接受嘅
可以任飲紅白酒，啤酒1664/Asahi，同汽水。點解話服務有待改善？因為我第一杯揀左紅酒，Free-Flow意思都係任飲，咁即係我轉黎轉去係可以啦，但有位員工聽到O嘴，佢諗左10秒，再話你等等。。。
我等等？後來佢又拎左白酒黎斟喎。。。咁其實係可以唔！？咁我唔明呢位員工點解要O嘴兼發呆，因為多左一隻杯要洗要抹？咁純粹我自己諗姐
白酒好香，係Sauvignon Blanc，帶草青味，檸檬，梨氣息，唔錯
紅酒似乎有咁上質素，Malbec，紅莓果香，帶輕橡木桶味，單寧好薄，易入口
黑松露雜菌Pizza $98
冇諗過pizza係可以第一樣上枱，點解焗都可以咁快？睇外貌好正，多菇，邊位都睇到好多黑松露醬，芝士都落好多 不過熱嘅位只有外圍，個心位係微暖至凍。。。。
德國豬手
豬皮偏硬偏靭，豬肉乾，唔熱，上枱係冇冒煙，但係冷氣好大。。。
酸菜比主角仲好食，酸椰菜，酸紅白蘿蔔，酸青瓜
白酒煮青口伴蒜茸法包 $98
白酒汁建議加忌廉會好味好多，而綠青口其實本身都半熟，唔洗煮到縮晒水先得。。。同埋好搞笑地有雜菌係度
反而蒜蓉法包又係好食過主角
成餐飯食左近$600，但係服務真係好麻麻，眼見女嘅掛住吹水，㩒電話，廚房冇生意就坐晒後冷食煙，比較勤力嘅係男果位侍應，或者佢係高職位啲！？
食物味道係唔錯，但全部都唔熱唔出煙之外，我諗廚房都有改善空間。點都好，價錢比較平少少，但我唔會再去第二次，因為質素真係想像中差，我寧願帶酒比人收開瓶而侍應會勤力少少，兼唔係聽到Order會發呆再叫我等等。
Post
